慘情週末天
星期日 早 開冷氣, 唔開心
我入左黎同主人訓覺呀~~我同姐姐都訓到流哂口水。哥哥十點零鐘無端端訓醒起身, 大俠哥就即刻由地下跳上床扮乖仔。
車~~~~~~佢扮乖仔咪扮飽佢囉~ 但佢竟然用手打醒我,話: 『細佬,醒啦...開工啦...喵主人啦.....』
嗚~~~~~~人地都未訓醒~仲要比哥哥睇到, 笑足我成朝。
星期日 午 陽光, 仍然唔開心
又係清潔日, 主人攪依樣、攪果樣, 又開吸毛怪獸周圍走。哼! 不過我而家唔驚架啦! 只要我腳仔唔落地, 你咬唔到我!
主人攪完間屋, 又係時間捉我地兩個每周清潔。今日大俠哥唔知攪乜鬼...一見主人拎剪甲鋏就走貓。我就不嬲無所謂,你咪剪囉~
剪剪下....姐姐突然又摸又錫我,又話唔剪依隻腳啦~~
我都唔知咩事~ 之不過聽到佢同哥哥講:『唉呀~死啦~剪到流血呀~! 但亞金又好似無乜反應,又唔縮, 又唔叫喎~』
然後哥哥話:『咁咪好囉...唔洗幫佢驗糖屎同血小板, 流完到埋口都唔覺痛~』
其...其...其實....我覺有少少痛架~但知道, 如果我爭扎,後果可能仲會慘多千千萬萬般....
唔怪得大俠哥今日走啦..原來佢一早知今日姐姐會剪到貓流血。大俠哥真係無義氣,早唔單句貓聲。
星期日 晚 無落雨, 好唔開心~~
原來我陪緊姐姐睇書, 大俠哥又係到扮憂鬱小生, 姐姐見佢咁慘咁, 竟然單獨同佢入房開冷氣玩新毛毛棒!!!!!!!
名附其實男人不壞,女人不愛!!!!!!我咁乖陪你, 你就唔理我! 佢咁衰衰收埋自已, 你就又開冷氣又同佢玩!!!!!!!
嗚~~~~仲要玩到哇哇聲, 但唔比我入~~~~我係出面喵哂,你都唔開門~~~~~~~~
嗚~~條閃閃毛毛棒, 我掂都無掂過丫~~嗚~~嗚~~~~
姐姐~~~~你偏心~~~~你黎錫番我都無用架啦~~~我唔彩你呀~我自已乞衣仔訓書房底, 你唔好出黎啦~我嬲你呀~
衰大俠哥, 我都嬲你呀~~~玩完毛毛棒仲要得得戚戚!!!嗚~~~~~
哥哥~~~~嗚~~~~你助就為虐~~我都嬲埋你呀~~~~~~
No comments:
Post a Comment