
大家都知道金金的身世。佢之前比舊主人假扮帶佢沖涼,然後遺棄係pet shop。
而家係我到都住左成3個月 (29/3 帶佢返屋企的), 以為佢已經唔記得之前d唔開心野,點知原來..
尋日...
我帶金金落樓下亞彩貓屋企, 拎貓草公仔,順便比金金探下亞彩貓同另外一隻貓叫囡囡。
落到去, 亞彩同囡囡都理埋了。
但金金就好驚...周圍喵...又理埋係lone lone拿拿...死都唔出黎..就算有蟹柳絲(至愛), 佢都唔食。
個種貓聲就正正就係佢剛剛由pet shop返我屋企一樣。
我拎完貓草公仔後,因為金金好驚,就匆匆上返屋企了。
返到屋企...金仔跳上黎high我~
然後佢又聞下Sugar哥~之後佢就慌失失咁周圍行。
後來佢竟然無端端跳番上雪櫃頂 ~!
唉唷~睇到我心都痛埋



隻仔開頭黎我地屋企,因為要比Sugar適應同佢自已都要慣新環境,
我將佢困係廚房, 又特別批準佢上雪櫃頂。因為咁, 佢覺得廚房係最安全的。
以前我地開吸塵機,佢一驚, 就好醒目跳上雪櫃頂。
但依排佢已經唔再需要依舊雪櫃尋找安全感了。
點知....原來落一落其他人屋企,佢會勾起之前唔開心的經歷。
相信仔金以為我帶佢去其他人屋企,然後會唔要佢,所以佢咁驚青 , 驚到要打回原形。
仔黎架~~我點會唔要你!!!
我一定唔會唔要你的, 除非我死先過你啦

D人遺棄貓狗真係好缺德。希望依個他世界多d真心愛錫貓狗人, 少d一時衝動的貓狗主人~
1 comment:
真係好簡洞架 Sugar 姐姐!
Post a Comment