又有一隻金金比人遺棄 (Click Title to the Link)

尋晚, 同manmanmeow去探之前捉的黃大仙街貓。黃大仙(暫時貓名)而家暫住係荃灣一間pet shop。
佢好驚青呀...原全唔似之前係屋企門口等食果時果個樣。唉...你咁驚青...好難搵到頭好住家架,蠢仔!! 係咁二都交下戲丫嘛!!
黃 大仙隔係有隻同金金80%相似的安長拉貓。一樣成身金色, 一樣地咁樣。但佢果頭仔好大呀, 分分鐘有Sugar咁大, 都好靚仔架。金金表哥上面有另一隻安哥拉, 佢d毛係白色加小小黃色毛 (貓界話黃色=紅喎), 好乖好嗲, 佢都真係地架, 三唔識七我, 但我一開個籠, 佢就爬上我膀頭, 然後係咁係咕...咕咕.....咕...仲好開心咁, 隻手仔係到玩十五、二十。真係心都痛咁, 咁靚仔, 咁乖, 又無病又痛, 都比人遺棄。

你隻衰仔金....記唔記得邊個果時去完澳門, 一落船就打比你契媽話想帶你返屋企??!!睇下你而家, 成日掛住食、玩、訓....
你再曳呢...我掉返你去你契媽到, 唔要你, 啦, 你契媽d老鼠最鐘意咬黃色貓架啦..等你成日百厭丫拿?!!

這是金金回家的第一天影的。