諗清楚先好養寵物或生仔, 唔該,拜托!!

尋日, 有對couple話想睇竹竹 (竹竹的故事請按 title 有 link) ,
好啦, 我係公司附近,等到佢地成8點幾, 夜晚飯都未食,
點知個兩條友仔呢...都唔係路。
未黎之前話睇左隻英短定唔知乜番貓, 話係隔離有個cat breeder生架喎..
生完唔靚就掉出門口, 住隔離果個就執黎養,但而家太多貓,養唔到所以搵人領養。
心諗: 有無可能呀? 係掉都掉遠d啦..你當個breeder 白痴架咩??
我問:係個breeder放丫,定係真係隔離鄰舍呀??!!
女答我話隻貓好得意好靚..但唔知要比幾多錢同埋可能好多人都等緊。
我之後都費事同佢講依個topic.

好啦...去到暫托屋企啦...隻衰竹竹呢又驚喎..."li"埋係床底, 又驚到流口水,口mak mak。唉..咁係人都唔要你啦,衰仔!!!
之後竹竹無咁驚後,男果個都有主動摸下佢, 個女的就我唔叫佢,佢都懶得行埋dd摸隻貓。
車~~~ 乜依d叫鐘意貓咩???!!! 特登上得黎睇，摸都唔想摸下,乜你有幾鐘意呀??!
我未見過一個真係鐘意貓人, 會只係鐘意名種, 而唔鐘意唐貓的。唔鐘意極都唔會連摸都唔摸下嘛。
我 問佢地之前有無養過貓, 佢地話養過一隻兩個幾月,但養極都唔大, 醫生話生梨形蟲, 醫左兩日就要拍針。有無聽錯呀? 梨形蟲會急病死架咩???!! 只多攪到隻貓肚屙之嘛。我問佢睇邊個醫生, 佢竟然答話唔記得??!! 如果隻貓係果間診所打針死, 正常主人點會話唔記得??!!!大佬呀~係咪玩野?

我承認我係主觀偏見, 我唔信得過依個人。就算佢地睇中竹竹,我都唔放心比佢地養。
佢地d行為加態度, 真係比我新屎坑3日香的感覺。

希望竹竹快d搵到真正有緣人啦~~~