今日打去vet到,醒到個姑娘死死下!

尋晚...同金金梳毛...
發現佢屙尿尿的古古到...周圍d毛明顯深色左。
我用濕棉花抹佢,又抹得甩小小, d顏色係黃帶啡啡地..又唔係好啡。
之後,我見到佢古古最頂部,即係屙尿尿的出口到, 有深色野喎!!!!!!!!!!!!!!!!!!!!!!!!!
我好驚啦...我驚佢尿道有交叉咩咩發炎,或者屙血尿呀。
抹又抹唔甩色...似肉又似蕉又似dirty野..........
我捉Sugar黎睇下, Sugar果個又好靚喎..粉紅色....
不過金金屙尿又唔似有事...
尋晚我沖bath, 佢仲入黎貓沙盤開完細又開大..
我見佢屙尿屙到真有sh sh 聲 , 豬咁大督。
又無叫又無話屙唔出喎。

今 日打去醫生到問, 我叫護士姑娘請醫生得閒打比我。我想親自同醫生講。個姑娘就話同佢講就得, 姑娘都識。 我心諗: 你識??!! 識果頭咩? 上次我見你地做野已經姐手姐腳,我唔信你地。Anyway, 都講左金金的情況。亦得到我預知的答案, 佢乜野都幫唔到手,佢d意見屎都唔屎。
之後我就問:

Jess: 上次帶金金黎洗牙,你地係咪剪左佢d指甲?
姑娘: 係呀!!
Jess: (小火) 你地知唔知剪到我隻貓手指同腳指流血呀?!
姑娘: 無理由架喎,我地剪得好小心...
Jess: (中火) 好小心, 我返到屋企見到個貓袋有血,開頭以為脫牙果d血,所以無理佢,之後隔左兩日幫佢每周剪指甲時,先發現佢有一隻手指同腳指流過血,仲要好多..另外其他腳指 甲中間都有血絲紅哂出黎。咁叫好小心??!! 我以為係隻貓驚,爬個袋所以流血,原來係你地剪佢!!! 佢不嬲d指甲個個星期剪,已經唔長, 你地剪之前無睇清楚架咩?!!!
姑娘: 咁....我都唔清楚..只係如果長就會剪,但唔一定剪。
Jess: (火都黎埋)你唔清楚??!!! 唔清楚, 咁我一開頭問你時,你又答"係,有剪"?
姑娘: 當時係其他同事跟的, 所以唔清楚。
Jess: 咁邊個同事跟丫??
姑娘: 有同事今日放假, 唔清楚....
Jess: 你有無攪錯?? 又唔知邊個跟依個case, 咁你夠膽死一開頭就同我講"係呀,剪左??"你唔知邊個跟架咩?? 你地做野,無寫底邊個跟邊個case架咩??? 你叫醫生今日覆我電話!!
姑娘: 咁....醫生而家做緊野...... 咁你隻貓仲有無留血丫而家。
Jess: (頂你丫,有無腦架!) 硬係無再流啦..仲流緊就已經死左啦!
姑娘: 咁...咁樣好小事姐。
Jess: (心諗e$^%^&$Y@!#$) 好小事?? 今次洗牙就整到手指腳指流血。咁難保下次又唔知乜事架喎! 乜你覺得好小事咩!!! 你叫醫生call back我, 佢睇緊症無問題, 睇完症總會去廁所、食飯、換衫架, 你叫佢覆我!!!

真係&$#&@%!#$&*^&*!!