金金近排唔知做咩..成日賴尿..
星期三定星期四先係自已張貓床賴尿,
尋日又係sofa賴.....
都唔知好彩定唔好彩,個cushion同sofa cover cloth吸哂d尿, 所以sofa無事。
我同ManMan都無鬧佢..........
因為我地已經比佢激到死左...
我好唔開心....唔知金金做乜野...我驚佢真係身體唔舒服,又唔識講..所以咁 (如果係咁就慘啦)..
ManMan同我將依兩三個禮拜發生過野...全部back to normal...試下會唔會有改善。
1. 加多個廁所: 因為之前買左個新廁所, 唔知佢係咪唔鐘意。
2. 收起個香氛機: 雖然已經抹清d味...但都收埋先。
3. 貓樹: 天呀~~仔!!!你玩棵貓樹多過Sugar哥啦,你無理由唔鐘意佢架~~!!
今晨起身,見到個舊沙盤有3督大尿+1督大屎。乜你地真係咁唔鐘意個新貓沙盤咩....有得揀,掂都唔掂呀~
Man話放多個貓。沙盤幾日,如果再無周圍賴尿,即係個貓沙盤曳曳~~
唉~~希望係貓沙盤原因啦, 如果唔係, 我想捉金金去驗血check 下身體。
衰仔...放心, 就算你賴尿, 我都唔會唔要你的。不過你都唔可以成日咁架....唉...
2 comments:
jess,
你係咪一買左個新砂盤 , 就拿拿臨加哂新砂就咁用呀 ???
有時貓貓比較敏感 , 換野最好唔好一次換哂 ,
因為佢地有機會會抗拒架 ~
下次你可以試下 , 加完新貓砂係新砂盤 ,
然後再係新砂上面舖少少舊貓砂 ,
等佢地認到自己既氣味 , 咁可能會好 d 架 ~
係呀....隻衰仔應該係因為唔like個新貓沙盤,
所以佢咁樣周圍賴尿。
近排我發覺, 隻衰仔好識擦我老公鞋。佢跟我老公多d架, lum到我老公比佢上黎床訓覺。之前我比Sugar上黎訓,佢話鬼我架~~~
都好,識擦哥哥鞋。有時我真係分身唔黎去照顧兩隻。
Post a Comment