病左~~~~~~~~~~

Sunday Wrote:

話說星期五開始, 金金又賴尿, 之後夜晚我地發現有貓嘔嘔。我以為係金金唔舒服, 所以賴尿。但見嘔吐物係毛多,所以無留意。
星期六,愈嘔愈多, 已經無毛,90% 係未/半消化餅仔。開始擔心, 個衰仔金又無離精神咁。
到尋晚半夜, 發現原來嘔嘔的大俠。
尋晚我諗住禁食佢兩個,等消化系統休息下。但honeymeow話天氣凍,唔食野就仲身體弱。所以每貓比左1/2 cat spoon餅仔。Sugar好餓,食得好開心,但入夜大約12點幾就嘔嘔。食幾多就嘔幾多..嗚....
試過少食多餐,每次比5-10粒餅仔Sugar食, 但一樣,食完1個鐘到就嘔嘔。每次嘔2 rounds, 嘔完又無事,又話肚餓。

點算呀?
今日,無醫生睇。要等到傾日10點先有得睇。
我洗唔洗用針管迫佢飲水? 但我老公話見過佢自已飲水。

Monday Wrote:

尋晚12點幾開始食野無再嘔...但我都係驚..因為今朝餵佢食餅仔,佢竟然由尋晚的好肚餓,變做唔想食野。
今朝依然去左睇陳大夫。

陳大夫話Sugar仔可能食左太多毛,或者天氣凍親, 不過毛多的原因大d。
佢即場比左枝超強力滑sansan jelly野比Sugar食, 又打左枝抗生素針(話驚佢屙嘔因為腸胃炎), 之後返到屋企,醫生話比d流質野佢食先。所以開左一罐罐頭, 同細佬金一貓一半。
食左,無嘔。3點幾再食左廿粒餅仔到, 都而家都無嘔。但佢好眼訓。

我都有帶埋金金睇醫生。因為覺得佢依排古古怪怪,無里心機咁。但醫生又話佢無乜野。有關賴尿的問題, 醫生話驚佢尿道系統有事,都打左枝抗生素, 開左d放鬆尿道的口服藥同情緒藥比佢食。

睇一睇醫生...洗左我成千銀。唉..我病都無咁心痛/肉痛。

兩隻因為打左針,都未食藥。
但我見Sugar無再嘔..咁比唔比抗生素佢食好。止嘔止屙果d, 如果佢唔屙嘔,我唔比佢食啦。
_________________

Today wrote:

今日要返工。
走之前, Sugar屙左朱古力醬，又唔願食餅仔 (餵都吐番出黎)。所以開左罐頭, 加左兩spoon 水比佢, 佢就肯食。金金就話水過頭, 唔彩我, 唔食。之後清潔pat pat 毛, 真係好死臭,但Sugar都好玩,比我清潔。金金就li 埋, 個貓樣好似做錯左d野咁,但我搵哂成間屋都無賴尿。
唉....攪到我遲左成個鐘先番到公司。
Sugar無嘔..不過唔想食野咁。
因為之前mix左佢d糧with wellness, 但Sugar仔麻麻地welllness, 尋日我特登去mega pet到買左包natural best, 諗住比佢地依幾日食, 頂!!! #@%@&@$!&^&# 包natural Best好似變變地,d味唔同,好焦味& Sugar仔唔食。今日打去,佢話比我換~ 真係換佢老闆丫~我唔急都唔拿拿聲買啦!! 可以換大哂呀!!!
之後, 又有網友話Wellness 麻麻地,有貓食左一排都唔舒服~ 天呀~我mix左wellness落餅container...好難揀番出黎啦~~
諗住打比老陳, 問佢如果d貓對隻餅有不良反應,會唔會2-3week後先show到出黎, 佢又玩放假!!!!!

我好無心機, 唔貼相了。