仲未好番~~~

我比兩隻仔真係激死啦~

話說自從Sugar嘔後, 我主要比natural best或罐頭兩隻仔食, 唔想Sugar食太雜住。但金少就依排無離心機, 又唔願食野, 但我見佢行得走得,係賴尿同死下死下無心機。咁我無理佢住啦,都睇左醫生話生理無事, 又食緊情緒藥。

我驚wellness令到大俠敏感同嘔。所以尋晚我食完飯,開始"tau"金大行動,即係係個12LT的container中, 分番開wellness餅出黎。
我坐係廳地下, 諗住睇住電視, 拎個長形盒黎分餅。點知我一倒d餅餅出黎,金少那那淋跑過黎食~!!!仲要食到好肚餓咁, 但我放係餅dau的Natural Best佢就一d都唔show。我見佢死食死食 (好似饑饉30完咁), 但佢又唔係揀餅架喎... mixed 餅中的Natural Best佢都死食架喎?! 食左成幾分鐘...先好安心咁去洗面。
之後,竟然Sugar又過黎食!!! 天呀!!乜你唔係麻麻地Wellness咩??!!! 攪咩你又黎食? 佢食得都幾急, 食完唔洗5分鐘,又嘔!!!
唉~我都唔知係因為佢食得急,定佢對wellness唔吸收,所以嘔?! 但如果敏感wellness, 又無理由咁快嘔丫。 佢剩食nautral best又無嘔的, 但唔嘔,又可能係因為佢唔願食, 食得少所以唔嘔。我都唔知。

今朝起身, 好似有貓食過餅(我比番mixed 餅佢地), 但又食唔哂。依排可能天氣凍,金金唔願落地食餅咁。 今朝Sugar7點就morning call我,要我人手餵餅仔。
我倦到發癲呀,仔仔~~~拎上床到餵,佢就食。唔餵就唔食。我開始覺得佢玩緊野。但費時同佢癲, 開左罐頭,兩貓分。食完金金好安心訓覺,曬太陽。依隻仔真係怕凍,自已去搵太陽位曬太陽。Sugar都食左半罐, 希望佢唔好嘔嘔啦~