注定一世做窮人

前前排, 同我老細講笑~ 每個人總有個價去令你放棄心頭好。
Salty哥哥: 如果而家有人要買金金, 你收幾多錢?
Sugar姐姐: 七百萬啦~~
Salty 哥哥: 嘩~七百萬就賣左你啦金金~~ 咁Sugar呢? 幾多錢先買?
Sugar姐姐: Su....gar呀, 無定價喎, 都無諗過要買佢。幾多錢都唔買呀~

前排, 金金刷鞋刷到飛起, 睇電視又陪坐, 訓覺又陪訓, 沖涼又陪沖, 早知你去到邊, 佢都跟住, 見唔到你,就喊住黎喵。Salty哥哥又問...
Salty哥哥: 金金咁刷鞋, 而家會唔會加身價呀?
Sugar姐姐: 而家咁乖, 咁加到要一千萬先賣啦~
Salty哥哥: 咁貴?等如成層2千呎複式單位, 鬼要你隻臭金呀~
Sugar姐姐: 係呀, 你搵唔到一千個,唔好拆散我地呀~

尋日, 金金契媽打電話黎同我傾貓計。講開金金真係曳貓,成日古靈精怪, 唔好要佢啦~ 我話好呀, 送番比佢契媽~~(大家都其實講笑)。
收線後, 我係到諗, 依隻仔真係多病痛, 特別多古靈精怪野, 但如果叫我唔要佢, 我真係諗都無諗過。如果真係有個蠢人出一千萬賣起金金, 我估我都唔捨得。一千萬可以買到好多野, 唔洗愁生活,唔洗供樓。但要自已放棄一個咁乖的仔, 我會一定一世遺憾。
老豆又剩落唔多比我, 自已做野又唔夠狠心。哈哈~我估我都係做一世窮人架啦...
但求夠食, 開心多過唔開心咁生活就夠了。