苦貓

今日收到Mandy的message, 佢話m miu的breeder唔要兩隻大貓了。原因係老婆同細女鼻敏感。隻細m媽,即m miu的親生貓媽媽會被Mandy收養。而大m媽就有待領養。
大m媽今年4.5歲, 而家個主人生完生夠,一句鼻敏感就大Q哂, 就話唔要隻貓。唔要隻貓有好多種種原因, 但好心都幫佢絕左育先放出黎比人領養丫! 但Mandy話個breeder竟然講: 「4.5歲年齡太大, 絕育有危險。所以唔包絕育! 」但又依附領養的條件係唔可以困籠,就算去到新主人屋企適應期時都唔可以困籠!
依d咩道理黎架! 如果咁體量困籠對貓唔開心的話, 做咩連好簡單的絕育都唔做?! 如果覺得佢4.5歲都年齡大, 做咩今時今日唔要佢??!! 佢做過breeder, 生過貓B, 應該比其他人有多d養貓的知識, 4.5歲根本唔算老, 如果擔心麻醉的話, 咪驗左血先麻醉囉, 好簡單!! 根本佢就係到假仁假義:「 唉呀~唔好困佢籠呀, 佢好慘架! 不過我唔會絕佢育喎。」
生完啦,玩夠啦, 就送比其他人, 決裂的時候就五理貓貓會否變成生仔機器, 第日再做其他人生貓工具, 都唔關佢事咁。虛情假義到令人覺得好討厭。

係咪所有breeder都係咁? 我真係唔知....希望我所識的breeder, 如果真係天下烏鴉一樣黑的話 , 都請虛偽一點, 係我面前作個有點誠意的慌話, 好樣我心裡好過一點 。

p.s. 大m媽是美國短毛貓, 4歲半的貓女, 性格乖和比較害羞。
如果有相熟愛貓又能接受她的朋友, 歡迎聯略mandyli@gmail.com (Mandy只是待聯略, 不是那個假仁假義的貓主) 請不要放在各大forum, 因為我知有好多人見到是名種貓, 就不想清楚就領養的。如是者,受苦的只有貓貓。