一周年~~

回想起上年3月29日。
28號剛由澳門落船, 29號就急不及待去荃灣接金金番屋企。
我帶金金去獸醫到驗血同basic bodycheck, 我老公就自已順便去荃灣睇人類醫生。
之後一齊塔的的返屋企。

返到屋企, 喊足96小時, 好彩夾得時間, 果時連續放5 day假, 可以多點時間陪佢, 但...兩個人類就係各得到一雙超級熊貓眼, Sugar哥就眼訓到暈底咁制。
依隻貓豬, 到左我地屋企, 足足5日都唔肯食野。再帶佢睇醫生, 醫生竟然話自然反應, 最後我地強力要先願以開d開餵藥水。第一次餵金金食藥, 佢變蟹的反應嚇死我。但變完蟹之後, 就開始肯食野。正正式式開始新貓生活~

這12個月日子裡, 金金試過~
同我玩捉迷藏, 里埋係廚房假天花裡面, 嚇死我地。
同我玩咬手指遊戲, 咬到我隻手勁朣, 第一次發現原來貓咬人真係可以好嚴重, 唔講得笑。
同我玩問米婆遊戲, 特登比錢個animal whisper問金金情緒同賴尿問題。諗番起都覺得自已痴線。
同我玩大肚婆遊戲, 都唔知點解會無端端大左個肚, 仲有奶水出。真係撞鬼囉~

金金係一隻好乖的貓, 只係有小小蠢蠢地。最鐘意原來係食三文魚扒！
佢有太多花名, 打鍋金、滴滴金、大陸金、劍劍, 自從做左金金媽媽後, 而家又多個名叫亞金妹~但無論點叫都好, 最緊要而家同將來, 你要開開心心, 健健康康, 唔好再成日同醫生做朋友啦~