開冷氣

尋晚唔舒服,又覺得好熱。終於今年第一次開冷氣訓覺。
因為貓廁所係廚房關係, 我唔比大俠哥同賴尿金入房訓。
自從賴尿金上我地床訓覺後,大俠哥都好少同我一齊訓, 佢小氣,又要扮大個,要自已訓。所以關房門,佢都無乜反抗。
但賴尿金呢,就成晚係到扭計要入黎。成晚係房門前喊。大俠哥就怕左佢, 自已訓係大門口, 覺得亞金好嘈掛。
喊到5點幾,我訓下醒下, 頂唔順, 自已扮去廁所,睇下隻衰仔。
一開門,佢就鼠左入房, 見我出廳,佢又跟住哂,炸哂嬌。之後, 我摸下佢頭仔,同佢傾左幾句計仔。入番佢訓, 佢好似無再叫。 (早知我一早就咁做啦~~!)
到7點幾我起身,放兩隻衰仔入黎, 佢地就安心哂。但兩隻仔都倦到飛起, 硬係啦,一隻成晚掛住叫, 一隻成晚比貓嘈。兩隻都無覺好訓。
訓得最好應該我老公, 佢一訓著, 出面殺人放火都聽唔到的。