Sugar仔,你唔好有事~

星期三帶左Sugar去諗住洗牙, Dr Ewa話行聽到佢心臟有雜聲。估係心漏症。話唔係初期, 可能係第二第三期。
當日即刻做左x ray, 心電圖同量血壓。
結果係x ray到睇到心臟比其他貓大。我問大幾多,佢又無正面回答我。
血壓偏高小小, 但vet話加埋貓當時緊張因素, 個index都算正常, 只係高小小。
心電圖有figure, 但就未anlaysis, 無同我講住。
約左星期六做ultra sound scanning, 如果情況樂觀許可, 先做埋洗牙。

我睇到張x ray,話個心比正常大左，已經好愁。希望心電圖result無事。點都好,會做埋ultra sound。
醫生話唔會recommanded做operation, 風險太大。如果嚴重, 可能要長期食藥。
請問心漏有藥食的嗎? 係邊方面? 有無相關藥名? 有咩side effect?

仲有..
Dr Ewa問我..之前有無醫生講過Sugar有雜聲。
我話一歲時睇大圍奇x異獸時, 有醫生講過。
當時係有個醫生講話有雜聲, 但當時話懷疑佢緊張,所以有。之後去覆症,第二個醫生(唔記得係Dr Tigher 定男醫生)就話無。隨後我有帶過Sugar去Dr Tint同Dr Chan到打預防針同睇腸胃, 亦都無醫生講過有雜音。
不過見到張x ray, 實實在在見到個心係發大左。就無得再懷疑。
唔知點解之前d醫生會聽唔到。
早d知道,係咪可以有野做到?!

p.s. 果d翻譯真係好唔掂。Dr Ewa講英文已經聽到我一舊舊, 加埋所謂翻譯就更死。我發現佢地翻譯的,同醫生講得根本兩樣野。但最衰醫生講到d bio terms, 我以前讀文科,真係聽到企哂起到。
星期六會同個英文叻d的朋友一齊去consult vet.

希望Sugar只係輕微有心漏, 佢應承過我會陪我二十年架。