和Dr Tom談的一席話

今個星期, 金金用開的Lactoferrin差不多用光了。所以我再去搵vet到配番10粒看門口。
剛好Dr Tom睇完症得閒, 我比左金金依張醜怪樣比Dr Tom睇, 又講開金金近排重左好多,不過依個幾星期又鬧情緒, 悶悶不藥咁。佢問金仔食、玩、訓同牙肉情況, 話如果繼續唔開心先番去睇。表面証供正常, 無懷疑有事。有關佢牙肉問題,佢話金仔都唔算嚴重個隻。我問係咪好normal有咩LPG, 佢仲串我話唔係normal, normal係隻隻貓都有依d叫normal, LPG依種叫common, 好多時會有, 但唔係normal正常會有,真係比佢激到我啤一聲。
我又講Sugar近況比佢聽。問佢驗血準確情度究竟係點計。因為之前不約而同有兩個貓友都話驗血對肝、腎有事黎講係唔準的,一個係佢獸醫朋友講,一個就親貓經歷。所以我見Dr Tom得閒就問佢,佢竟然認同話驗血真係唔可靠 (佢無話唔準)。佢話貓要到腎得番25% function時, 先有可能係血到反映到有異樣, 可能驗尿會快d知道,但都要腎去到得25%先會show出黎!!
之前,因為始終朋友講, 我又未睇過朋友的醫生,始終唔太信依個講法,心諗如果驗血都唔準,咁點算?! 但而家連Dr Tom都咁講, 唉.............. 我只可以話,好心d人好好研究多d醫貓狗的學識啦! 點解咁落後,要到個器官得番尚一半或1/4先驗到架!!! 貓好易排洩系統有問題,咁就唔該好好研究下依方面啦!!!
另外我問醫生, Fortxxx個隻藥得唔得? 佢話descrpition就話有positive影響,因為多d血會去腎臟,咁個器官無咁易退化,但究竟一隻貓腎臟keep得well function係因為隻藥定其他因素, 佢話無factor可以驗症到。又話佢診所都有一隻貓有pkd, 切左一個腎,但而家依然行得走得玩得, 仲要無食特別糧同無食乜乜藥。佢話有d貓驗到腎有事,可能差完一排就keep constant, 有d就會繼續差落去。無人估計到。(我夠知啦..唉....)
不過咁...無比錢錢...行開黎, 佢又同我爹咁鬼耐,講左成廿幾分鐘, 都算唔話得了。我覺得佢兩個都幾好,斷症準果下好, 用藥點我又真係touch wood無乜試過。前前後後Sugar同亞金睇咁多次,都無乜邊次有藥食,不過佢地介紹果隻口腔粉粉,的確對金金有幫助。