犯賤

我發覺我同Salty哥哥都係犯賤,
尋日有人上黎Sugarland做貴價吸塵機連空氣清新機示範。
試吸床褥, 其實都幾dirty, 之後又放部機入睡房做空氣清新十幾分鐘。

攪完一大輪, 之後我地開冷氣訓覺啦~
可能尋晚無咁熱, 大俠無乜扭計入黎。金金就因為有人黎, 驚完好倦,又無扭計要入房。
尋晚算好好空氣加清潔床鋪的一晚,應該訓得好好先係。
但點知我同Salty 哥哥都成晚訓得極度唔好, 兩個人轉黎轉去都訓得唔舒服咁。
直到天光六點幾,金妹喵喵叫話要入房, 一入房佢就跳上我地pillow中間訓。佢一入黎, 我就訓得好好啦。
其實我個面同佢d毛差唔夠3吋距離,佢應該攪到乜乜敏感致敏原的主要因素。但唔知點解, 真係無貓毛, 我同xx都訓唔著。
另外, 攪完一大輪示範, 反而我覺得鼻哥好痕, 可能佢拍打左d塵出黎。但應該無乜咁樣可能....佢講到部機咁神化下。
定係我無貓毛環境下,反而會敏感？

p.s. 兩隻仔尋日好好朋友喎~為左食snack..一齊跳盧貓樹都唔走~