尋晚, 又發夢, 勁變態,上次話說夢見Sugar無端端成隻硬哂。今次仲衰, 發夢金金係我媽到,由七樓窗口跌左落街。
"Bang!"一聲, 見到金金由七樓跌左落地下, "U"字咁訓左係到,唔yuk得。
我即刻諗住跑落樓跌, 個死人Salty 哥哥仲話:「算啦, 唔得架啦~」(發夢聽到,都想殺死佢!不過日常生活佢都錫金金的)
落到地下, 見到金金合埋隻眼唔yuk得, 即刻飛的去睇醫生。
之後嚇醒左, 臭金剛剛訓係我枕頭隔離, 好彩~發夢姐~真係嚇死, 摸下摸下金金, 再訓過黎。點知~~個夢竟然可以繼續~~~~
Part 2開始, 我去到獸醫到, 唔記得係乜獸醫,但唔係平時睇開果幾個。
一去到診所,金金又好神奇咁識開番眼睛!!醫生左摸摸右摸摸, 竟然話金金無事, 無跌傷。
我就媽叉個醫生: 「你係咁摸下就算, 唔洗驗下有無內傷呀? X ray都要照下嘛?!」(發夢都識鬧醫生@.@)
夢中醫生竟然話: 「我依到無X ray儀器架喎, 得熱能探測器之喎,要唔要照?」(無錯,佢係話熱能探測器 @.@)
我當時乜都照殺啦當然, 咁醫生開左個好似做ultra sound的棒棒, 係金金個肚仔到碌下碌下。
我就望住佢碌下碌下,問: 「點解無野睇的?」
個死人醫生竟然識串我: 「小姐, 睇個mon,唔係睇個肚呀!」
我: !#%%^&*$(I@%!^*^(&*$#%
但我睇到, 2D好似張相咁的, 金金個肥肚,佢d內臟比一層肥脂肪包圍住,所以無受傷。而果層脂肪, 係由橙橙地色的三文魚腩造成的。
Oh..my God..
No comments:
Post a Comment