醫生報告

星期六睇完醫生, Dr Tom抽左兩次都抽唔到Sugar d 血, 衰仔好緊張又爭扎。最後尾, 醫生要用捐血的方法取血而不是抽血出來。看到我心都痛埋, 一滴滴血咁等佢流落test tube。隻衰仔果衰樣好似殺佢咁。之後醫生話佢膀胱無乜尿,所以無抽到尿黎驗。驗血報告正常, 不過醫生都話佢有一邊腎係比較大。

金仔就乖好多, 醫生今次話要打3cc steroids, 再要食Clindamycin 十日。打完針第一日佢明顯比之前開心左。但今朝我返工前,佢又古古怪怪, 我餵完佢食朝早個次藥, 嘗試用牙水洗下牙仔, 佢都唔肯, 平時好少唔肯嘛,我都放唔到粉粉落發炎地方了。可能未訓醒或者今朝一下次攪佢太多野啦,所以唔開心。不過而家佢口仔,係我養佢有史以來最唔臭的, 近附無味!! 希望唔開心唔關喉嚨仔事啦。依隻仔成日都扮憂鬱小生~~

星期四上廣州兩日, 要麻煩honeymeow上黎餵亞金食藥, 因為果d係抗生素藥物, 我唔想因為我地去玩,所以停佢藥呀。媽咪同妹唔識餵藥, Man個家姐就更加唔可靠。唯有麻煩honeymeow 了,Sugar仔就開心死, honey實不停餵cattyman餅餅了。

p.s. 多謝詩敏表姐幫我睇Sugar仔的Blood Report, 我都知我好煩, 但佢又好有耐性解答我。