尋晚我玩死金金

尋晚, 我飲左咖啡之後訓唔著。咁又到夠鐘時間熄燈訓覺, 一熄燈,金金就好醒水的自自然然跳上床訓起我地兩個枕頭中間。咁我又訓唔著喎~佢隻衰仔就set好哂訓覺位諗住訓覺。我無無聊聊, 就捉住佢條尾。一捉住佢條尾,佢就左右fing。 哇哈哈哈哈~~比我發現左依個秘密!! 金金你仲有得訓?!哇哈哈哈哈~~~我捉住佢條尾尾, 因為佢眼訓, fing得兩fing就唔yuk了。一唔yuk,我就同佢講: 「金金, 條尾尾唔yuk啦~~」咁樣隻蠢蠢金又左yuk番條尾~如是者, 條尾一唔yuk, 我又搖到佢yuk, yuk yuk 下佢又眼訓唔左yuk喎。嘿嘿~~都幾好玩的。我開始明白點解d貓仔鐘意玩d大貓尾把了。