貓鬼上身呀~~

話說爛口金,爛口範圍大左,咁上星期六約左睇醫生啦~~ 醫生話金金唔算好嚴重, 食1/2粒消炎藥就得,如果覺得痛就食半粒1/4止痛藥啦~ 如是者, 睇完醫生,番到屋企,兩點到,我就餵爛口金食藥啦!可能粒藥好苦,爛口金變左金蟹貓。嘔口水波波,嘔到成梳化都係咁制,粒消炎藥剩番好簿又細粒。我依個貓奴見係咁,正常反應再餵過佢食番嘔出黎的藥,另外再加左1/2粒消炎藥比佢。 3點半左右, 稀有金變身啦~~~~~~~~~~~~~ 佢痴左! 自已急步走黎走去坐唔停, 一路行就一路"WOWO"聲咁叫, 唔係開心果隻叫喎, 係有時同Sugar玩追逐時間唔中發出的榖貓叫聲。但佢當時情況比平時玩到癲左時更癲, 行到去邊就叫到去邊。我以為佢叫我唔知乜野,一手抱佢, 平時鐘意抱的金金,竟然好抗拒咁要落地。落地後又周圍邊走邊叫。我開蟹柳絲,三文魚粒,甚至罐頭,佢都視而不見就繼續喪走喪叫。又對於空氣叫,又對住門口叫,又對住牆叫。Sugar哥行去佢到睇下佢咩事,佢都視而不見。 嘩~~好驚呀~~貓鬼上身呀~

即時我打比醫生啦~~~~~~ 醫生話可能隻止痛藥有可能興奮作用影響,所以金金金對佢的藥力特別敏感,所以High左。醫生叫我同佢玩下玩具, 等佢用完d energy就好d。但我拎乜野出黎,金金都無反應,反而我覺得佢有d幻覺同幻聽(佢成日耳仔yuk yuk),覺得有野迫害佢, 所以佢好心急咁走黎走去里埋又走番出黎。 如是者, 到7點幾都重係咁。我再打電話去問醫生, 醫生都好奇怪點解d藥力咁持久, 再問我比其多藥份量金金食。原來嘔左出黎,就算嘔哂都唔可以重新再比過粒新的藥佢食的, over dosage的消炎藥都會另到佢High左的。醫生叫我餵佢飲多d水,無乜野可以做到。 可憐的稀有金, 因為有幻覺幻聽, 覺得被迫害到手板腳板仔流哂汗,耳仔又同鼻鼻又熱哂。心仔跳得好快, 呼吸又好急。餵佢飲水佢又覺得被迫害下毒, 想過黎我到等我救佢, 但又佢唔知自已想點咁又行開。如是者,到成夜晚11點先可以靜底休息一陣,但唔到5分鐘又迫害過。

迫佢入左大約20-30CC水, 情況好似好D。但間唔中行路時都有"WOWO"聲 (唔係開心咕咕聲)。隻眼仔仲係朣孔放大。 到第二日,星期日, 金金眼仔終於變哂正常,唔似"是力加果隻貓了, 亦都無比貓鬼上身了。 但.......................佢一起身就好嗲, 跳上床雙手不停十五、二十咁按摩。 唉..佢之前大左肚時又係咁的。我真係好驚佢又以為自已大左肚,有左貓B。好彩,到下午左右, 佢終於回複正常的金金了。

金金...你得閒就要整估下我...正衰仔!!!!!!!