事關食左成3個星期Pred都唔好, 醫生提議幫金金洗下牙仔,等佢牙肉發炎無咁嚴重。咁我眼見都眼到隻衰仔d牙又真係有牙石,尤其發炎牙肉的地方, 就係咁, 金金步我後塵, 復活節假去洗牙。
好唔捨得留低金金係醫生到半日呀... Salty哥哥仲話我做乜咁擔心,金金上次洗牙我都無咁擔心。咁更係啦!!對上果次金金洗牙, 我無知咁多野嘛...經過上次因為同Sugar洗牙攪出咁Q多事幹後, 我真係好擔心! 當佢地是旦一個唔係我身邊, 我都好心掛掛。
四點鐘去接金金, 好彩! 金金醒番無乜異樣。(真係要捐番d錢先得了)
隻衰仔見到我仲好乖, 我摸佢,佢吊住鹽水都識咕..真係心痛死我。
之後醫生話金金係牙肉發炎only, 牙仔好健康,無需要脫牙。(叻過我喎!!叻仔!!)
等緊拎藥時, 有隻red tabby唐貓B係貓袋到慘叫。金金聽到...佢又覺貓B叫...攪到鬼死咁嘈。
佢用個頭仔頂個袋去望的隻貓B, 咁我咪叫個貓B主人有距離咁比佢地隔住一尺袋對袋咁試下對望囉~
對望後, 竟然貓B唔再喊!!! 金金又唔再叫~~~~
不過一見唔到, 佢地又叫過。但好明顯叫聲唔同左,一個無咁淒涼,一個無咁搵野。
但...................離開左診所, 金妹就叫足全程的士。正常佢唔太叫的,最多兩三聲。好明顯佢搵佢個新朋友仔。唉呀,仔~~人地貓B有貓B的屋企,你有你屋企嘛!!真係sor仔黎的。
希望洗左牙仔, 佢牙肉發炎情況會有明顯改善一排啦!好半年都好丫。
今日, Salty哥哥預先送左條魚比我做生日禮物呀~~~~ 好野, 終於有魚魚啦!但魚魚相比之下, 咁細枝, 真係幾貴。
送上一條魚魚金同魚魚Sue >.<
No comments:
Post a Comment