去旅行

7月尾同xx一齊去左西藏11日, 亞妹就上來訓+照顧貓地。相如下:http://www.av100fun.com/viewtopic.php?t=67620

亞妹話Sugar就好乖, 夜晚會上床訓佢腳邊 (硬係啦,金金唔係床到嘛!)。但金金就整晚叫, 喵左成個星期,差唔多旅行番黎前兩三日先喵少左d。夜晚喵,日頭五六點就救星星, 攪到"支支"聲, 亞妹頂佢唔順,鬧佢。鬧完後, 金金唔跟佢。好明顯就算我地番黎,金金見到亞妹都驚驚地,會走開。依個仔呢, 一定好掛住我地, 亞妹話一開大門,佢成日想走出走廊,平時佢都唔會咁的。

番到黎, 可能我地拎住luggage,金金好驚咁,唔太熱情。之後我地落街買飯盒上黎陪貓一齊食飯,金金就好"dar"啦~行一步跟一步,掉垃圾都跟到實。Sugar就無乜野,好彩今次佢無嬲我地。上次去完旅行,佢嬲我地唔彩我地呀。xx係粉西藏寺廟執到d雀仔毛,話要黎送比貓地做手信,兩位大少都好欣賞,第一晚時,Sugar仲玩到自已跑來跑去添。

8月3日番到香港, 9號又話要裝修果爛鬼天花,仲話要攪幾日添。亦因為咁,今次到Sugar、金金去旅行了。打算裝修期間, Sugar同亞金寄宿住係貓友到先。第一次出門overnite, 唔知貓地會唔會好驚呢,但又無理由自已訓埋係貓友屋企架...Sugar都未試過離家出走呀, 金金就更令我擔心, 佢見我地執書呀,執立雜野入紙箱時,已經好不安, 步步要痴住主人, 又叫多左。我驚佢以為我地唔要佢呢...

p.s. 西藏人原來唔興養貓的,去左成11日,見得兩隻貓。
一隻係寺到, 係果大佛像下走過。係一隻白色長毛貓,貌似Angola的貓~~
原來金金先係聖貓品種 :P
另一隻係羊八井車路民宿的地方見到。

兩隻都睇到影唔到。寺就影相要比錢,仲有貓地無再出黎。
車路旁果隻,我地轉眼已經見唔到佢了。