發夢鬧醫生

尋晚又發夢..夢見自已同大俠哥去Dr Tom 到body check..
今次有個識講廣東話的女人獸醫睇Sugar, 我仲記得佢叫Kate,
一黎到就比Sugar走甩左, 然後係d "lone lone la la"到搵到Sugar, 竟然Sugar變左隻老鼠。
我問醫生點解會變成咁, 佢話貓係佢到一走, 就會變左做佢驚的野(咁到得@.@) , 好彩過左好快, Sugar又變番隻貓, 不過好似小左d毛咁。
之後醫生叫我出去等,佢要做驗查之類。 我再入番去時,佢話要收我六萬二千幾蚊!!!!
佢話Sugar個心同唔知咩痴埋左, 又話佢個腎變到細粒到無左, 要開刀去confirm下係咪!!
佢都痴痴地線架!!我好記得我好惡咁鬧佢~~~ (雖然只係發夢)

Jess:『我唔會比你開刀架! 痴線架!佢好地地, 點會無左個腎丫!!無左個腎就唔會咁生out out啦!!』
Jess:『我要帶貓走, 你做過乜野, 我剩係比番錢你做過d野!』
Kate醫生:『我同佢驗過血, 發現佢有pkd喎!』
Jess: 『你有無攪錯丫!! 同佢驗血check PKD? 佢一早都知有PKD架啦, 仲要驗? 之前係你依到發現PKD架!你無睇排版佢之前的病歷架咩!! 我要睇番Dr Tom, 佢去左邊?』
Kate: 『佢無番工.................』
Jess: 『你都痴痴地架.....』然後醒左。

醒後, 我同xx講, 我第一次鬧醫生, 唔係鬧姑娘。
醒後, 先諗番起, 點解Sugar會驚老鼠架呢? 尋晚佢先玩完貓草老鼠,無理由會驚老鼠架喎!
醒後, 先醒起, PKD唔係驗血check到架喎! 果個Kate獸醫真係當我lulu!!哼!!!