貓, 有時真係幾野蠻

自從天氣轉凍後, 依隻賴貓金就晚晚"捐"入我被到訓, 仲要係"揀"住我隻手,要我攬住佢訓果隻。
尋晚睇完林一峰concert番黎,沖埋涼洗埋頭已經成兩點啦,倦到死咁制! 仲要臭金又出又入張被, , Sugar就 "痴"住我半邊腳, 難得皇上寵幸奴才,我就更加唔敢訓到轉黎轉去, 攪到我無覺好訓 。後尾皇上要出從視察民情, 我先有得轉下身。一轉完身,我都未訓番, 賴貓金又跳上番。「嘩~大佬,我真係眼訓啦,你又唔訓好,周圍出出入入, 我唔鬼理你, 你訓兩個枕頭中間啦!!」然後我特登用被包實自已,唔比佢"捐"入黎。依隻衰仔,野蠻到死, 不停用個頭仔頂我shoulder位置, 死要"捐"入黎。頂唔開,佢竟然開人爪地道!!!!!!!!!!!!!!!
邊有貓咁野蠻架~! 睇下佢個野蠻樣丫! 攪到我半夜到今朝都覺好訓。

p.s. 林一峰storyteller,預期中的performance, 無乜失望, 又無乜喜出意外, 算啦, 令唔失望都已經好好水準了。始終覺得林生的個唱係要用耳仔enjoy,唔係visual上的享受。唔同城城果d concert。 但我又唔明點解佢唱紅河村咁感觸。紅河村我覺得其實麻麻地only。 何韻c把聲真係好靚, 可惜唱得兩句呀~~