Sugar 其實都可以好溫柔

星期六下就開始, 做完一個indepth小小的exercise, 。攪咩鬼丫, 之後就頭痛, 個心又開始痛番。隻手如果放去胃到就連胃都痛埋, 好想生多一對手出黎, 咁樣一隻手放係額頭,一手係heart charka,一隻係sola pixus 一隻就放係背面尾龍骨,你話幾好呢。
所以星期日無出街,留係屋企。見到Sugar哥訓得好熟睡咁。我係佢隔離輕輕叫下佢, 佢: 「唔~~唔!」咁應我! 依隻衰仔,好耐無咁溫柔應我啦(除左我有貓草同佢超肚餓時, 佢會貓下我)! 心都甜哂。得啦得啦, 我知啦, 比摸唔比抱嘛~知啦大帝!! 有時唔洗同佢地connect都知道佢地唔想點點點啦, 唔鐘意抱嘛, 但我鐘意抱你喎,比d戲交下比我都得掛!!

遲d等我無咁頭痛,再試下同貓地傾下計先。金金成日都好似好多野講咁, 不過我唔會打電話比佢,費時佢貪得無厭,得吋進尺。上次我call Sugar,佢爭住同我講話佢肚餓, 無餅食。我已經覺得佢好攪笑。依隻仔, 又真係幾可愛的。但回想起果d初初番黎果時, 佢又喊又唔食野又賴尿,真係有血有淚。尋日同亞大(Jessica)傾開, 佢而家有兩隻貓待領, 我都想幫下佢,但愛莫能助, 好明白佢要好有耐性對兩隻新貓,話哂佢地都有排先信任番d人類了。希望佢兩隻貓地快d找到有緣人啦。