變態的貓大人

變態的貓大人

黃方糖貓大人一則

話說黃方糖貓大人發現左我開始識識地佢講乜野。佢對我的訓練亦日漸嚴格。(佢前世一定係訓導主任,哼!!)
屙完尿, 未出廚房 (貓廁所係廚房)就喵~~~
[貓大人]: 屙左, 執尿呀~~~~~~~
[貓奴才]: 唉呀~得啦得啦 ! (拖字決)
[貓大人]: 執尿呀~~~做野呀~~~
[貓奴才]: 等我做埋手上d野先得唔得呀? 邊得貓咁唔講道理架~我都話知道、得囉~ (其實上緊網)
奴才我一個唔小心, 同大人有個eye contact。我知丫, 佢責怪..無錯,係責怪, 佢責怪我好唔即刻去執尿尿。貓大人話 : 你咁散慢架做野, 我叫你快d手去執尿呀!!!!

係係係….而家好執。死死地氣準備行入廚房, 大人已經一枝貓箭跑去帶路。
[貓奴才]: 好啦好啦,得未呀, 執好貓沙啦!!
[貓大人]: 餅!!!
[貓奴才]: 拿拿拿...餅呀...大王…得未呀
[貓大人]: 哼…d奴才真係難教。成日要我踢先得yuk一yuk。

唉...我好卑微呀~~


黃金金大人 一則

去去下街, 諗起金金大人, 我知佢call我。
[金大人]: 嗚..我掛住你…你快d番
[貓奴才]: 我唔得閒喎~
[金大人]: 你幾時番?你幾時番?你幾時番?你幾時番?你幾時番?.... (完全唔聽我講野)
[貓奴才]: 你乖,姐姐聽唔到明, 姐姐好屎架炸,你有咩野搵我,搵Pat姐姐啦, 同Pat姐姐講,然後叫佢打手提電話比我。(呵呵,搵亞pat蠢)
[金大人]: (唔答) 然後繼續喵~~你幾時番..幾時番….

d貓呢,都唔聽人解釋的!