幸福

尋日蜜糖大C搵Sugar傾計
有兩段係咁, 講番比我聽,我都覺得bear bear聲~~

Honey: if 我地去度時, 你多d 出來就人人都開心
sugar: 做乜要你地開心 我唔開心wor
Honey: 我地開心, 姐姐開心, 你又會開心law
sugar: (唔答)
Honey: 我地個個都錫你架
sugar: 車~ 我靚丫麻

Hoeny: 點先可以唔咁小氣, 大方d 對金金d ?
sugar: 點解要咁 我中意呀
Honey: 但你愈大方, 愈多人錫wor
sugar: 佢兩個幾時都咁錫我, 唔駛大方喇


尋日, 請左半日假做私人野, 所以早左番屋企, 我坐係梳化, 襯擦鞋金訓左(都係梳化)。我同個衰仔講 (真講), 姐姐錫你唔係因為你靚。姐姐錫你係因為你係姐姐個乖仔,你知唔知呀? 姐姐唔會因為你唔靚, 就唔錫你! 你要知道。雖然你又真係好靚, 依到有靚果到又靚…(讚到佢鬆毛鬆翼)

講講下, 隻衰仔行埋黎"i"我隻腳。果下好感動呢~ 隻衰仔黎錫番我,好似講比我聽,佢知道。佢比個好sweet的感覺我。唔再嬲包包, 變番BB Sugar 樣。

然後, 我發覺原來訓係我隔離的金金, 佢炸訓架! 隻眼mak開左的, 偷聽我同Sugar講野。
我同金金講: 金金第二靚啦, Sugar第一靚。金金唔太滿意依個答案, 但當時Sugar哥又望住我喎, 嘩~左右為難也。我同金金講,姐姐錫你唔係因為你靚嘛, 係因為你係我個乖仔嘛。然後同佢講金金你唔洗懷疑自已, 你入得黎依個屋企,依個屋企就永遠都係你架啦, 姐姐間永遠都咁錫你, 你永遠都係我個仔。佢好似唔太明咩叫「永遠」, 我話即係好耐好耐好耐都係咁錫你。我又同佢講,開導佢唔好樣樣同個臭哥哥爭, 佢d野新屎坑3日香,之後就唔用架啦…((刪下..其他肉麻的字)

然後衰哥哥又黎"I"我隻腳,仲懶乖懶溫柔咁訓係我前面添。我一隻手摸住Sugar,一隻手摸住金金, 兩個仔都咕哂! 咁耐, 我第一次同一時間可以摸住兩隻貓,而佢兩個無小氣走左佢炸。人類我好感動呀~~~

有時幸福的感覺, 真係可以好簡單。