打唔還手、咬唔還口

唉, 尋日肥公主上黎玩。次次亞金都由佢打, 依隻sor仔真係...唉...邊有貓咁架, 打唔還手之餘,仲要唔縮,唔走開,今次仲要比亞彩打到企鵝咁企直左個身, 都唔識走開。任比肥公主打??!!!
但如果Sugar哥打佢,佢又會識還拖架喎! 究竟係因為生保亞彩,所以唔還手丫? 定真係咁鬼縱容佢呢?!

不過佢緊張亞彩入睡房喎, 坐係睡房門口"想"左住肥公主入去。偏偏肥公主就係要入去玩丫, 我聽到金金講: 「嗚~~你唔好入去啦! 唔好入去啦!!!」剩係識叫人地唔好入去,又唔識出手打走人地呀~!正蠢仔!得把口叫人地唔好入,你估亞彩會真係聽你講咩!!!

Sugar哥就好衰/醒目地, 一見到亞彩係貓袋,就捐入電視機櫃後面靜觀其變, 彩你地都有味。肥公主一走左,就施施然行番出黎。Sugar, 肥彩而家肥過你啦!!! 點算!???????????