可憐的金金細佬

尋日打風,放假一天, 晚上到樓下的邦邦貓屋企食飯。見無無聊聊, 就帶埋Sugar一齊落去見下邦邦。將Sugar放落貓袋時,金金已經好緊張, 到我帶Sugar去等lift時, 已經聽到金金係到喵喵聲喊緊。
落到邦邦到時,邦邦好惡爺呢,好似完全唔識得依個青梅竹馬的朋友仔咁, 不停咁fee Sugar。Sugar佢有dd 陌生環境, 但就當邦邦的fee fee聲無到, 無乜彩佢。十零分鐘後,我都帶番Sugar哥番屋企了。

一入屋,就聽到金金喊住咁喵過黎聞個貓袋。當放在Sugar哥出黎後, 金金第一時間飛奔過去"打算"錫依個臭哥哥, 點知「拍」一聲, 一把比Sugar星開左。嗚...金金好可憐呀~~
我捉住衰仔Sugar,諗住比金金掂下佢, 錫下佢,等金金開心d。點知隻衰仔fee個細佬添!! 好傷純情小金金的心啊!

邊有哥哥咁衰架! 個細佬, 唔知左佢哥哥,好掛住,見番後想錫番佢姐, 都咁惡死!!
雖然Sugar又fee又出手打金金,但金金一見番依個臭哥哥就不停咁咕咕聲, 金金真係好錫貓，一隻咁臭頗氣的大枝野, 都咁錫佢。

我繼續有念頭搵多一隻貓番來陪金金,等佢有個真正貓伴。但今次我想要貓BB, 一定唔可以大枝野同懶巴巴閉閉, 哼!!