小鸚鵡奇遇記

今日lunch, 在超級市場收銀處, 見到一個小女孩大約14-5歲, 肩上站了一隻小鸚鵡。我自然反應, 心裡就說: 『嘩! 你好靚呀!』點知小鸚鵡自言自語:『我硬係知我靚啦~!』哈哈!我多嘴就同小鸚鵡傾『心』計。

Jess:你又知你自已靚?
小鸚鵡: 下!!!!!!!!!乜你收到我講野?
Jess:係喎,你又真係幾靚喎!!
小鸚鵡:硬係...硬係...你都算有眼光 (然後見到佢頭上個冠鬆起, 懶靚懶有型咁)
小鸚鵡:你睇下我幾靚~~
Jess:係啦係啦~~

放工塔車時, 收到『call』, 原來係今日lunch時撞見的小鸚鵡。
小鸚鵡:喂喂~~
Jess:咩事搵我?
小鸚鵡:咩事解救你收到我講野的, 佢地個個都聽唔明我講野。
Jess:你理得我丫~~你今日去果到(超級市場)做乜?
小鸚鵡:去威囉!! 好威風架~~好多人望住我架!!
Jess:好威架? (原來又係一隻自戀狂)
小鸚鵡:係硬啦!!喂~你黎探我丫!!
Jess:我唔識路,唔知你住邊喎~~
小鸚鵡:果到囉~~
Jess:即係點黎呀?
小鸚鵡:點黎呀...我唔識教你呀...果到囉...你過黎咪到囉。
Jess: .................. (原來係一隻很好客的小鸚鵡)
小鸚鵡:喂喂~比d光光我丫。我見你有光。
Jess:你又知有光.... (原來是一隻呃飲呃食吹水怪,哈哈)

之後小鸚鵡都算唔錯啦, 陪左我成程地鐵, 跟著我和它一齊玩左一陣古靈精怪野。
依隻鸚鵡仔都幾醒目, 唔知佢幾時又再出街、威風下呢??
相中是我今天見到類似的品種~