貓奴做了人魚公主

金金今天已經叫得可以好大聲兼無走音。原因??? 因為佢個貓奴-->我代替左佢做人魚公主。

話說尋晚再觀察金金口仔, 發覺有臭味之餘, 佢有一邊牙肉又好紅, 所以諗住點都好, 今日同佢睇醫生。點知今朝早, 無左臭味, 仲要叫得好正常, 無哂人魚公主。但始終我都驚佢口仔發炎, 帶埋Sugar一齊去睇醫生。諗住如果真係無事,咪去打預防針囉。

點知, 佢喉嚨真係識自已好番 (佢之前話比d時間佢,佢會自已好番嘛)!! 但醫生就發現有一邊牙肉有發炎, 所以照例動作,打針食藥。而Sugar哥呢, 醫生就開左d腸胃藥比佢改善軟便情況。不過Sugar都係覺得佢自已屙軟便無事,係我小提大做, 整到佢好痛。

今日睇左一個新醫生, Dr Paul, 雖然有貓友話好。但我覺得麻麻地,看診無乜驚喜。反而陪貓友去睇佢隻貓時, 發現Dr Tom到黎左個中國人女醫生,我覺得幾好喎! 講野做野有文有路,同埋好替貓著想, 不是話先驗依樣驗果樣。有時我覺得, 斷症是要靠醫生經驗同知識, 而不是化驗完乜乜之後做elimination。

希望3隻病貓 + 一個人魚貓奴公主快d好番。