今年破哂記錄, 請左成廿個朋友仔黎屋企開簡單的生日會!竟然我屋企可以裝咁多人, 真係好誇張~! (蕭豬咪,你的表情實在太可愛, 我唔捨得打格仔呢!)
今年Sugar哥出奇地心情好, 整晚都無屎面 (算無屎面架啦!), 任摸任掂。可能真係honeymeow之前同佢傾掂數有關。金金細佬就好驚咁多人, 里埋係到喊喊, 連切蛋糕時, 佢都唔肯出來, 比個臭哥哥羅哂彩, 真係無鬼用。
小妖BB今年第一次參加生日會, 佢好叻仔, 無乜咁驚同生保, 食肉肉的, 係唔同d架喎! 不過無端端比佢媽媽抱住去Sugar哥到,然後比Sugar fee左一聲,即刻成隻妖down哂。係囉, 佢自已上去搵Sugar哥, Sugar唔會fee佢架,都係貓奴多事啦。
Sugar呀, 你同依個姐姐係到講緊乜呀??
因為今年多人, 買了一個9吋的蛋糕, 但竟然食唔哂??!!! 乜大家咁細食的? 之後, 我同xx都話, 咁大個人, 都未試過自已生日食個咁貴的蛋糕, Sugar哥, 你真係巴閉啦。
Sugar哥係其中一份生日禮物上面, 好得戚咁~~
金金好鐘意果粒新的星星, 睇得到佢見到新的星星好開心, 捉到後開心到用後腳彈彈彈添。好耐無見過金金玩得咁開心了。
多謝蕭大廚特登親自下廚整雞肉比我兩個仔食, 到曲終人散後, 金金先夠膽出來食, 雖然凍哂,但佢都食左1/3呢!!!凍左都食咁多, 勁!!! (我之前整果d佢就唔食,哼!!!!!!!!!!)
多謝蕭豬咪x2, 金金契媽x2, 雙A媽x2, Wawafishx2, Yvonnex2, Fiona, M-miu +朋友, HLH, Honeymeow + 小妖, Pheobe, Angel, Grace, 大家今日賞面黎一齊玩丫。
No comments:
Post a Comment