第一次打魚魚

今朝我見住魚魚飛搏上去咬金金，係兩條友仔平排行行下，佢一野咬落去。我估佢想同金金玩，但金金好唔鐘意。

之後又見到佢第二次飛搏去咬亞金，整到金金反咬番佢，咬到兩隻野都甩毛。我立即鬧魚，同埋打佢個頭仔。條魚比我鬧兩句，我都未鬧完，佢已即下玩里埋，我捉佢出黎再鬧。我同佢講：「唔可以蝦金金，金金唔鐘意你咬佢，你再係咁，我唔要你…」佢好淒涼眼光望住我，之後我放番佢，佢里埋係檯底，唔敢亂黎。連平時我比餅比金同妹時，佢都唔敢叫同要求有餅，只係眼光光企係檯底望住。

之後我入了廁所，靜雞雞再望佢，佢同金金平排一齊食餅。金金的確係好錫貓的，佢同魚無隔夜仇。雖然剛剛同魚打完交，但當我捉條魚係廁所關埋門鬧時，金同妹係廁所門外探聽，好像怕我打死條黃花魚咁。

我雖然鬧貓，但其實唔係好惡之嘛。

其實係肥妹衰，佢成日咁樣咬金金，一係訓係地下咬金金隻腳，” 了” 亞金玩，條魚有樣學樣。之不過，妹同魚係金的心目中，地位不同呢! 妹同金而家仲成日你錫下我、我錫下你。但我未見過佢兩個(金同妹) 錫魚。有時我見到魚魚望佢兩個係到sweet sweet, 佢好羨慕咁。