夢裡尋貓

今朝又發夢，夢見我同xx去唔知邊個國家，參加唔知比賽定開會，帶埋Sugar同金金去，兩貓困籠，放左係機場一邊。第二日我再去睇佢地，發覺兩貓唔食野，唔屙屎。我同xx講：「我帶佢地番屋企先啦。」去到海關，果小姐話我填漏野，又要填依樣果樣，又話要填當地銀行號碼，如果唔係的話，張機票有咩事就唔可以退番錢比我。xx後尾幫我搵，都搵唔到個銀行號碼，當我覺得唔退就唔退，無所謂，我要出境時，發覺Sugar同金金的大籠唔見左，我唔見左兩隻貓。只係見到一隻黃白短毛貓，同一隻背部爛肉的間紋貓係其他籠到。

我不停叫「金金~金金」，依稀聽到有金金的叫聲，但我見唔到兩隻貓囉。周圍搵.. 周圍搵都唔見。然後就醒左，唉。

我同xx講番個夢，佢驚訝我個夢會咁清楚。剛剛醒，都未回魂，哽清楚啦。

好似今次係第二次發夢唔見左貓。上次係唔見左Sugar, 沖左落廁所，佢困左係排水喉到，我要打爛條喉救佢，但唔記得結局係點了。

夢裡就係依隻籠困住Sugar同金金。