尋晚, 姐姐同我玩毛毛棒,你拋我執個隻呢~
大俠哥就訓係電視機前面, 眼碌碌望住, 又要扮型唔同我一齊玩
(其實我知佢都想玩架)。車~~我理得佢丫..有得玩,我餅都唔食呀
~點知, 姐姐失手呀!!! Oh~~~~~~掉左枝毛毛棒去大俠哥隔離
!!!啊!!!!!點算
?? 我都醒水架啦~慢慢行埋去。我唔敢箭步沖過去呀, 如果咁,亞哥又話我無家教,玩到心都創哂架啦!!
但人算不如貓算, 我靜靜行到埋去, 大俠哥一野就推跌我,然後咬我肚仔
『喵呀~~救命呀~~救命呀~~』我扮下野都要叫兩下架~
我做得爪牙金,專業架嘛..交足戲架!!
哈哈~~姐姐目到全部過程,佢鬧大俠哥呀~哈!抵死
~~~所以話呢~ 苦情戲多多都唔怕做,最怕叫得細聲聽唔到。
大俠的日記
尋晚夜麻麻, 個天唔知依排做乜野,成日影相, 閃黎閃去
, 個閃光燈壞左就買個新架啦~閃到我都煩哂
。我已經心煩氣燥架啦, 隻衰金仲同姐姐玩到癲哂,周屋跳~
個姐姐又係...都大唔透..
我成隻貓訓係個廳到,等佢同我梳毛同埋掉餅仔,乜佢睇唔到我架咩
???個條爛鬼毛臭到死, 成條都係金仔d口水味
,乜佢唔覺噁心架咩~仲要懶開心咁將條野飛黎飛去~ 愈睇愈嬲嬲 ~~~
丫!!!!好囉! 條爛鬼毛拋到我腳仔邊, 我仲唔"擇"實佢,一於唔到你地玩!哼!!!!!!!!!!
呀~~~~隻衰金唔識屎喎, 行埋黎添呀~~~
哼!!依d叫送羊入虎口~我唔咬你,我唔叫大俠!!
咬呀咬呀~~~死未~~~~哈哈~~~
唉呀~~~咬都未咬到入第一層毛,你隻爪牙金就係到扮死
??!!! 依個姐姐仲鬧我做人大哥咁小氣,蝦細佬
??!!!佢有無眼呀???比閃光燈閃壞左呀
~~!!分明隻衰金做戲啦~仲鬧我~~~~~~嗚~~~
嗚~~~~ 大俠報仇,十年未晚!
你地玩飽去啦,我去食哂d餅~哈
No comments:
Post a Comment