點解d貓夜晚唔洗訓架...

真係唔明點解d貓夜晚唔訓覺...
我隻大仔...之前就晚晚一開冷氣就爪門...放佢入黎...
隔一陣又話: 『喵呀~~好急呀~~喵呀~~餓呀~~喵呀~乜Q野啦早知就』喵到我醒哂...好啦..我開門比佢啦~佢係出面玩一陣,然後又話要入返黎~~~有時又話要 金金一齊入,要等埋佢...金金係出面訓到死豬咁..佢都唔鐘意開冷氣的, 唉..你入咪自已入囉..依隻仔真係好煩。
來來回回成晚就係咁過...人都癲。我老公頂唔住...落左令,唔准又開又關門。好啦....我就試下同大俠衰仔講:『夜晚唔入得...天光先啦...天光就放你入黎。』
丫~隻死衰仔好似識聽咁...比我訓個半晚覺..但朝朝一到6點就爪門~~!!! 天光黎喎!!!!!!!!我就黎c 架啦~~
今朝又係咁...5點9 morning call...
我都唔記得點解佢入左房...剩係聽到佢喵呀~喵呀~~嘈住哂。我知佢做乜呀...話肚餓嘛...
隻死仔好精...喵左我一陣..見我唔show佢...跳上黎lam我塊面~ 我都唔彩佢啦~~佢就去攪我老公!!!丫!!! 我老公唔夠訓會好紋架...激死我! 又係因為我要拯救佢,所以死死地氣起身比貓餅隻衰仔食!!!
正一死衰仔黎架~ 比我訓多1個鐘,都唔會餓得死啦!!!

之後8點到,我醒哂...但好Q頭痛,應該訓得唔好的關係~~~
我捉住隻死野'鵝'佢...你知唔知好煩呀...唔可以乖d..(delete 100 words.) 隻死仔就拎側個衰面唔望我~~~
丫~~~~
之後就搵爪牙金黎出氣~正死仔包~

攪到今日好好好很頭痛~~~~~~~