掛死我同金金仔

今朝接番隻衰仔...佢好乖, 無曳、無整到吊鹽水技針。因為好掛住佢,一早就去到診所門口等。金金唔見左Sugar哥哥後癲左, 成朝係屋到喊,尋晚又喊。
返到黎,Sugar精神好好, 洗左牙,肯咬餅餅先食了。
下午, 大隻佬幫我塔路去睇佢睇開的vet, 留低左d c報告同超聲波CD比醫生睇。初步建議抽血驗dna, 確定是否真係pkd先。因為醫生話腎生水瘤唔一定係pkd。要確實斷証先。 依方面我地都同意, 而家叫醫生問下幾錢，大隻佬都會幫我搵其他寄去外國驗的要幾錢。另外, 雖然Dr Ewa果邊話唔洗轉糧住, 我地都會慢慢mix kidney的糧, 希望可以係食物上減輕腎臟的工作。但又唔想佢咁快轉食哂d無味糧,始終佢而家驗血報告無事無幹。大隻佬的醫生話隨左糧之外,仲要飲多水同埋有隻藥可等腎臟的血液行得好d。但我同salty哥哥都唔想佢日日食藥, 唔贊成依個stage用藥, 一來貓地唔開心,二來始終有side effect。我地會每六個月同Sugar仔驗血, 如果驗血結果開始差,先再決定食藥。

金金好掛住Sugar哥, 成日係間屋到怪叫。Sugar返番屋企,就好好多了。