點解會咁架?

好唔開心….金金口仔又發炎。距離上次11號睇醫生,Dr Tom11號時已經打左枝類固純針, 又食抗生素, 又話可以keep到3-6個星期, 都呃人呃貓的。 都無3個星期, 而家又發現佢口仔發炎、紅哂。

之前Heidi話Dr Owen對依方便好有經驗,所以尋日特登帶埋金仔睇佢。Dr Owen話最好脫左隻大牙, 咁樣就無咁容易發炎, 又話如果有牙仔的話, 佢食野時就會因為有牙仔, 所以開合個口會有壓力通過牙仔上去發炎的牙肉。個個醫生都話要脫牙~ 開頭我以為只係脫最後尾的大牙,頂龍4隻。點知醫生話要脫8隻。我唔制呀...真係唔得,做唔到搵隻貓去咁樣搏一鋪。

8隻牙仔喎!!個醫生話唔會好痛又話唔會影響食野。我真係唔信呀!!! 而家佢發炎都痛到唔想食野啦! 何況隻牙仔好地地要脫哂去?! 我問過一個朋友,佢個獸醫朋友話其實口腔免疫系統有事, 根本除左脫牙,就無乜野可以做。佢又話佢朋友的病曆中,好多都脫牙後有發炎情況有好轉。但係蕭豬咪隻毛毛咪就係失敗例子囉! 佢之前夠4、5個vet都叫佢脫啦! 點知脫完情況不但無改善, 反之然仲差左。我真係信唔過d醫生講野, 成日話金金immuse system過敏,所以要脫牙, 驗過felv/fiv又無事就唔係 immuse system過敏啦! 就算有事, 唔係應該好好學識點知好佢, 而唔係成日話脫人地d牙嘛。

我見到金金好慘。上星期先停左藥,都唔夠14日, 又開始另一個treatment, 今次係藥水添! 唉...食到金仔作哂嘔, 眼都凸埋咁。真係好心痛, 個衰仔仲眼光光望住我, 求我唔好再迫佢。我忍唔住, 尋晚同今朝餵藥時,抱住佢都喊左出黎。依隻衰仔, 好似知道咁, 我喊,佢就少左爭扎, 乖d食藥水然後比我用針管餵清水。有時唔係怨天尢人, 只係無奈同好唔甘心, 點解兩隻仔都有依d endless pains.

我以為自已有哂心理準備去照顧佢地, 無論生老病死都會支持佢地。但講就容易, 每當見到佢地好慘求情的眼神, 我真係唔忍心再迫佢地食藥。可能貓地覺得好迷惑,點解平時錫我的主人, 成日迫我食毒藥。

唉………..唔知點好, 而家只好停佢7日後,試下食黑xx菌, 日日刷牙, 希望有幫助,唔洗脫牙。尋晚真係有一刻想自已跳落樓就算, 唔洗煩咁多野, 又唔洗再做依d治標唔治本的野。一秒姐, 我都唔知自已點解咁諗。