小氣Sugar 蠢金金

今朝未天光Sugar仔就係到叫 (好可憐咁喵), 起身睇佢,佢又走,都唔佢想點。
之後, xx話原來Sugar 嬲我地 (尤其嬲我)近日剩似錫哂金金。所以扮好慘, 但又要發頗氣嬲。xx今朝抱佢, 抱左好耐都咕。平時Sugar訓係玻璃臺時, 我"I"個頭去佢肚仔, 佢就開心咁咕。今日佢唔彩我, 呀!真係小氣仔。lup左好耐,我抱住佢同佢傾計,又食好味餅餅又梳毛先好番d。其實亞仔...我擔心你多過擔心亞金金啦, 亞金金都係爛口,唔死得, 你就...唉..。又唔知依個主人心意,成日小小野都爭寵。我成日形住Sugar個腎大左, 因為上次見醫生照ultra sound果個位同佢而家肚仔果個位比較起上黎漲左又實左咁。希望係隻衰仔肥左的原固, 只係我疑神疑鬼啦。
亞金金呢…..唉...依隻仔真係特別多事的。尋日再開佢個嘴仔照, 見到喉嚨左邊紅到腫左, 我估一定好痛架啦。 希望快d星期六啦, 星期六帶金金同Sugar去探Dr Tom, 亞金個喉嚨咁耐都唔, 都係唔好博, 睇下醫生先, 最衰自已又唔識醫。
臭金真係無改錯名, 臨出門口番工前, 見住臭金屙完尿尿又屙屎屎。我諗住幫佢清潔完先走啦, 點知我清乾淨, 隻衰仔又入去屙, 我特登望下佢屙乜, 點知又無野係沙盤。頂!!! 唔係玩尿道炎之類呀?! 之後臭金金d眼神古靈精怪, 又用個pat pat痴住個地下黎行。 我捉佢上黎睇下咩野事啦! 啊!!!原來痴左屎!!唉呀,好心啦! 屙就屙得專心d啦, 仲要有d軟便便再搵個肥羅友壓平添!!唉~ 趕住番工先咁攪~! 幫佢清潔仲要喵我添喎!!

相中: 小氣Sugar最愛玩貓草, honeymeow姐姐話會整個神秘貓草生日禮物比依隻小氣精呀~一定開心死佢! 好期待呀~~