脫牙.........今次係我...

今日放假....
諗住去洗牙..我的勇氣只係儲到可以去洗牙only...
點知人類牙醫親戚竟然話我隻的智慧齒蛀左, 攪到隔離隻大牙都蛀埋,好難補,要脫左隻智慧齒佢。
Jess: 我都無估計到要脫牙~~~E!!!!!!!!!!!!!!!!!!!!!!!!!!!!!
牙醫: 咁我地洗牙先,洗完你答我。

可能因為要諗野, 覺得洗牙的時間好快過 (以前渡秒如年的)。洗完牙, 心諗係唔係都要整,拿拿臨一野攪掂佢,唔好又要再book過時間見佢。
我一話好啦...佢就"查"野落我口。E~~~好驚呀~!
Jess:未得未得...我未有心理準備。
牙醫:"查"完消毒野架啦~而家做左1/3架啦~! 拿~跟住就打麻醉針!
Jess:麻醉我全身得唔得?
牙醫:唔洗架喎!局部麻醉就得架啦喎!
Jess:.................... (心諗, 金金都係咁啦! 唔...要勇敢d! 我成日叫金金勇敢d, 原來好難勇敢d架)
牙醫:拿!打啦!放鬆d~~姑娘, 比隻手病人捉住啦!
Jess:嘩~~~~~ (救~~救救救~~命~~~~)
牙醫:做好2/3啦! 而家試下d麻醉藥力到未先, 我"督"緊你隻爛牙,有無痛呀?
Jess: 嘩~~嘩~~ 有呀~~!!
牙醫:痛定有野"了"佢?
Jess:有野"了"佢~~

然後, 佢將佢隻手指唔小心放左係我門牙邊。
我好自自然然咁咬落佢~~鬼叫佢落脫我隻牙!!
醫生: 嘩!!!你唔好咬我先得架!!!!!

突然間, 我知點解d貓會咬醫生了。