金金今日覆診

今日6點約左睇醫生覆診..頂佢丫!!!約左都等左成粒鐘!!! 後來問姑娘,原來病者腎有事,仲要驗血先知, 唉...咁唔怪得講咁耐啦....不過人地等左好耐啦真係~~~

之前做定功課,印左d有關金金之前食的藥問醫生,順便印埋出黎有關貓的Vitamin野。醫生見到好似好surprise我點解搵d咁野咁, 講真我唔係changelle佢, 只係一來我真係有野問佢,二來比佢知道,我唔係d街邊亞婆,你開咩藥,我都信得過你。自從金金貓鬼上身後, 我真係覺得有咁樣的需要問多d知多d醫生開緊乜野藥比我d貓食。 Dr Yen話金金發炎的地方細左d,可以減輕Pred的分量。佢又話如果要佢完全back to perfect pink,用口服藥物就無乜可能。咁我都知.... 對上成效最好的,咪係Dr Tom到打類固純針囉..係好得好靚, 但我都贊成,如果口服可以控制,唔好用針了。咁樣即管試下佢的方法對金金有無幫助囉。

金金今次食藥又好乖喎,上次食時佢有drepression又唔食野的。今次又無乜咁樣現象,只係食完藥後一個鐘有d "吽吽地",但之後都有去食野,有時心情好仲識玩添。今次可能我一餵完藥就比黑姆菌佢食,沖左d藥味之餘又增加佢食欲。都算係一個小特破了~~~

p.s.我都唔明.........依個爛鬼過期貓草罐頭有咩特別之處。之前唔見左好耐,前排搵番出黎,兩隻仔爭住玩。個罐頭已經玩到溶溶爛爛都咁鐘意。Honeymeow果然有番兩道。