囡囡

尋晚, 我覺得有貓"call"我, 我唯有每次我之前傾過計的貓再search, 知道係囡囡 (之前貓友死左果隻貓)搵我。其中內容秘密, 但有一part係話囡囡要去投胎, 佢話要做一個人,比左個人樣我睇:

Jess:你要做人呀? 我唔捨得你喎!
囡: 你又話學識放開的, 而家又話唔捨得?! 你咁樣,我唔同你傾。
Jess: 咁………咁...我仲可唔可以聯略你? d人話會有一part 靈魂之類留係到, 其他果d做下一世嘛。咁我係咪可以call你剩番果d?
囡: 過去的我..同而家...同將來的我,其實都係我。但你搵到的只會係以前時候果個我囉。我而家果個同將來做人果個, 我會有自已的野做, 你搵黎做乜丫。
Jess:我有時好軟弱,想你陪我。
囡: 你自已都有貓啦, 其實有好多人錫你/幫你。你搵以前果個我, 其實幫唔到你d乜。將來果個我,我有我自已野做。
Jess: 咁..咁你仲有咩同我講?
囡: 去幫人丫,用你能力去幫人啦。同埋,做野唔好咁心急,慢d。
Jess: …………...

p.s. 應該Easter前有兩天心口覺得頂住,唔舒服。果時應該已經係囡囡搵我。但我又掛住上堂, 自已又驚無端端connect到佢,會左住佢投胎, 所以無理到依種感覺。尋晚,亞囡仲話: 「終於connect到你啦, 之前你成日掛住自已同內裡的自已傾計,都唔理我呀!! 我有同你一齊上堂架!」

Oh!! 乜貓都可以學催眠? 囡囡,上堂學費巧貴架! 你賺左啦! @.@