很想放棄, 覺得好累

很想放棄, 覺得好累。
剛剛, honeymeow打電話比我, 佢話佢同金金傾計。講開以前佢主人因為有小朋友,所以唔要佢。金金話同我一齊覺得好無安全感, 無論我現在有幾錫佢,佢都覺得唔會長久,都會當我有小朋友後,就唔要佢, 又覺得我同我老公唔夠錫佢。貓友點樣解釋我唔會有小朋友, 唔會帶隔離小朋友入黎同點都會錫佢, 佢都無信心。其實有幾次我面對面都feel到金金以上所講的依種感受, 只是我以為我已經比到信心佢, 佢已經好安心。又或者今次由其他人口中講, 所以自已更確定依種感覺無錯。突然間, 我覺得好累, 自問我錫佢, 錫到我有時都覺得好沉重, 如果說要爭取,要努力的, 我一定是貓事行第一, 自已的問題才是第二, 但原來我之前所做的, 金金到今日都依然對我無信心.. 這種感覺, 很想放棄, 覺得好累..又有一種好想隨便找塊浮板依靠住就算的感覺。

我尋晚有同honeymeow講囡囡的對話, 佢自已亦有—再同囡囡傾。大致上內容差唔多,都係話佢要去投胎, 好多野等住佢做,要我地自已照顧自已。貓友問囡囡點解要找Jess而不直接找佢, 囡囡話第一想多謝我之前幫助 ;第二,囡話今次係佢有野要教我,要同我講。佢話我好固執, 唔肯放手,話我地人類好蠢。 嗚…….我發覺以為我學識放開d的, 原來只係無incident tricker我, 但一有事情發生, 我又返番起點, 好容易又話「唔捨得」之類,根本我開始講「唔捨得」時, 其實就係想係情緒上attach住佢。我都想自已放開….連一隻貓都知道我好執著, 我覺得好失敗。佢話有野同我講,話有野教我, 但佢又走左, 頓然我覺得好無助, 我知佢唔會理我了, 佢要我自已學。

希望過左一陣, 我可以好d, 無咁情緒低落。