Deep Listening

話說金金自xx出trip回來後，每晚也賴尿在床。雖然自已識AC, 但今次托朋友安排，找了其他人和金爺AC。雖然內容和真實有點出入，但大致上都明白點解要賴尿。有趣的是，知道金爺賴尿背後原因後，我們生活上沒有太大的改變去迎合。只是當知道後，多一層理解，然後很淡然的和金金談了一次，他的想法和我的想法，接著之後3日，再沒有賴尿，也沒有自殘咬自已。

傾聽的力量真大。再一次展現出，傾聽比「做」(你要點點點做) 更重要。

近來看了戲「火星任務」，尋晚電視又做有關火星的野。借d耳，我和金金講故仔:  係好耐好耐之前，有班地球人上左火星生活喎，原本生活得好好，但係原來火星無貓架喎! d貓全部係金星架! 咁係火星果班地球人為左去睇下貓，就由火星塔穿梭機去金星啦，但途中發現偏離左軌道，就咁就跌翻左落佢地個鄉下地球，再也嘎去唔翻火星啦! 貓神見到佢地為左見佢d貓子民，就咁跌落凡間，就憐憫佢地，貓神派出童男童女貓去地球，等佢地係地球生兒育女，完成教育人類工程…….其實金金你鄉下係金星架，知唔知? 當你係地球的任務完成，就可以返金星。不過睇你都係一個懶惰學生，有排都未做完功課，所以你要留係我到好多好多年…知唔知呀? …..

xx終於忍唔住: 「你地好嘈呀…..唔好再講故仔啦…」

難得我今次唔係不停重覆好耐好耐之前，然後幸福快樂生活下去。你都唔鼓勵下… 哼!

金金，我地唔謝故仔，我地勾手指尾，你要應承我，要陪我好耐好耐好多年…

最後, 金金覺得我好煩。 (傷心中…都唔傾聽人地講野的)

秘密黎架喎

條魚識打貓電話，剛剛打黎話好肚餓。
尋晚distance比光光條魚，順便check下佢身體有無唔舒服。之後，我同佢講，以後就係到住，我叫儀姐姐，我照顧你。
魚: 儀姐姐、 儀姐姐... 儀姐姐 ... 儀姐姐 (好似d小朋友背九因歌咁記住)
我:你有野打貓電話比我，知唔知? 識唔識打，你打黎，要比我睇你個樣，我先知道係你架。好似我打比你，我見到你個樣咁。
突然Sugar個樣閃在出黎，好清楚。
Sue: 咁樣囉 (識唔識呀?佢教條魚喎~)
然後Sugar訓左係原本我distance比光光條魚果個位，佢好relax咁收光光。正衰仔黎的。


又話說，上次我比光光肥喱，我合埋眼，但係離佢個身三四吋hand on果種，然後feel到能量閃左一下唔同左，我張開眼，見到妹已經行開左，然後依然有個receiver subject，我咁就照比啦，接著就見到死仔sue，都好確實係佢，但我睇唔清楚佢果樣。
我:我睇唔清楚你個樣，係咪Sue Sue?
Sugar: 我特登唔比你睇到我個樣，費是你掛住我。
我: 我唔睇到你個樣，都掛住你架啦！ 你有無教妹? (因為妹愈大，就學左7-8成死仔包d野)
Sugar唔彩我，自已行入房，佢話佢係房到靜雞雞同妹一齊，唔話比我地知。

之後我問妹，Sugar係成日黎陪你? 你兩個成日係房到做乜野? (妹都幾often自已一條友係房到呆)
妹: 唔講得，秘密黎架。

Animal communication不準的原因

有朋友的貓身體有事, 托我跟貓貓談話。因事態嚴重, 我回家cleaning自已後, 才靜下來跟貓貓連線。

在新加坡上課時, 學Melchizedek symbols , 是另外一種energy work 的東西, 有點像Reiki, 但能量上跟Reiki或 sekhem 完全不同。今次為什麼跑去新加坡上課, 是因為經過Sugar一事後, 雖然好像事情過去了, 一切東西也穩定下來, 但能量上我知道還有東西要處理, 說不出實在是那裡還有毛病, 只是直覺知道去新加坡上課會幫到手。

Melchizedek symbol level 2, 是談及我們的情緒體 (emotional body)。當我們做channeling或和動物做telepathy的時候 (我喜歡用telepathy, 多過用中文的傳心術這名稱), 我們一定要先處理好自已的情緒, 因為情緒會誤導或阻礙所收到的訊息, 就是很多人收到訊息後, 懷疑究竟是自已想的, 還是真的是訊息。因為當情緒體太活躍, 我們的第三眼、內聽及內觸的收發會被阻誤。也正是為什麼當Sugar有事的第一晚時, 我知道他跟我說話, 但我什麼也聽不到。因為我情緒阻礙了訊息的接收。到後期, 我找Thomas跟Sugar對話, 因為在當期時, 我情緒根本不適合做channeling的東西, 這個時候, 選第三者做對口, 是明智的決定。

今天和朋友貓地telepathy, 因為貓地去到crticle moment, 加上自已這星期也適應著新工作的人事物和環境, 自已能量上敏感得來也不穩定, 我怕自已收錯訊息。在未開始正式問問題時, 首先我問了貓貓是否身處醫院, 還是在家? 等了一會, 才明確的道到「在家」的訊息。照主人的電郵來說, 貓地應該是在醫院的, 但訊息的確是說「我在家」, 就用這條問題作測試題, 測試究竟是來自貓貓的訊息, 還是我的情緒遮蓋。 隨後, 開始談話主要內容。

跟主人通電話, 首先問主人貓貓現在身處的位置, 主人答到：「貓貓在家。」嗯....., 那我可放心告訴主人, 貓地隨後要說的話, 因為這不是出於我頭腦的答案, 這是來始貓貓的東西。這點十分重要。Thomas在他一書裡也提及, 做Animal communication時, 要定一些測試題出來確定自已接到的訊息準成度。

在新加坡上課時, 也問了老師, 如果在危急時刻, 要和垂死的動物溝通, 但自已情緒如果太激動, 沒辦法聽得到又找不到第三者幫忙時, 可以怎樣做? 老師說可以找件水晶、銅或一些能傳能量的東西 (Aura Soma 的平衡油也可), 讓動物的手掂著, 然後跟他們說:「你有什麼說話就跟那水晶說, 之後在適當的時候, 我會找人去翻閱你留下的說話。」老師說動物會懂得怎樣做, 之後帶著那水晶去找一些懂解話的人就成。

@.@ 懂解話的人就成, 話咁易喎, 個個係你咩, 亞老師 >.<
先說明, 本人不懂這種解話, 亦無打算學。

襲擊家人的貓

今天上早開facebook, 有貓友post了這個youtube, 是有關人和貓的愛和誤解。看得我喊到豬頭咁, 果主人喊,我又開始喊。好感動呢~

貓地是不明白什麼叫搵食、番工、上課的, 再者相信它主人在之前, 也沒有跟貓地說過要突然離它而去。貓貓不懂得分辯最信任的人, 為什麼會突然離開。恨一個以為最愛的人, 其實很痛很痛。當然無辜被恨透的, 想補償但什麼也做不到, 也是很痛苦的一件事。






幸好, 世上有人懂得貓話, 聽到貓的內心說話。
幸好, 主人對貓貓的愛是不離不棄, 就算輪被爪傷或咬傷。
幸好, 這個世界, 還有叫人感動的一刻, 能使愛繼續伸延。

金金生日

知道朋友學了muscule testing, 請她幫金金算一下, 到底幾時生日。

朋友說, 是2002年4月25日。噢!這不是比Sugar更早出世嗎? 一直以來,還以為金金是細佬, 他比Sugar年輕添。

無聊時想, 如果Sugar 因為PKD會早些離開, 那至少有金金陪我, 然後現在跟我說金金比Sugar還要年齡大。嗯.....咁即係點呢??

然後朋友跟我說, 貓可能有十幾二十年命呢。嗯...生有時, 死有時..這個我都「知」..
朋友又說, 金金覺得現況很滿足, 他要的, 現在也有了, 不需要extra的東西, 現在很好。金金真乖, 不貪心, 懂滿足。

和朋友分享了一些貓大師的東西, 得到結論:

和貓一同生活的人, 是被祝福的。哈哈~

生長有時

這是在PCCW時種極都唔開花的紫羅蘭, 記得那時同事笑我似在種菜, 多過種花。今天, 它
開花了。我差不多忘記它的花, 原來是粉紅色的。

有段日子, 我每天看著它, 等待著它再開花。但結果只是出葉。
離開PCCW時, 我帶走所有植物, 因為我知道它們聽到我心, 也陪著我過孤獨的日子。

當我正在用 Return Journey 的 the World (B99)時, 它第一次在我種植情況下, 開花。生長有時, 我要的東西, 果然不是一朝一夕出現。

今日早上, 金金扭計要食罐頭, 我問Sugar貓要不要, 他好像有點興趣。然後開了罐頭後, Sugar跟我說他要的不是這個。他要的是草草。他以為我開櫃子, 是拿小麥草的種子去種, 在他眼中, 種子放了在膠盒, 加泥, 就有草長出來, 立即。

Jess: 食住罐罐先啦!
Sugar:唔制! 我要草草!!!唔係依個~
Jess:唉...亞仔, 生長有時, 你要果d, 需要時間, 不是一朝一夕話要就有。如果你要果d都係罐罐, 咁就幾容易, 咁material呀下, 但你要草喎, 生命黎架喎, 高層次咁多, 要等下, 生長有時~
Sugar: 我要草草!!!唔係依個~ 草~~~~

有咁的主人, 有咁的貓, 估唔到今日我同番Sugar講生長有時這堆說話。 @.@

Cat connection II

Tuesday, September 29, 2009

連續幾天再試金金貓連線, 連線中和現實生活上也和他說「對不起」了。最初每次連線他也用pat pat背住我, 不理彩我,我知道他嬲我。他嬲我沒有口齒, 講過的野唔算數, 明明說只要聽話食中藥就不用看獸醫。我跟他說了因由, 做什麼也是因為他好。他討厭甚麼也是我替他做決定, 明明他說不好、不要的, 我就是沒殺他的意見。能量上又的確是contolling and being controlled 的關系。

往後再連線, 他沒有再見pat pat背著我, 看見我就立即出現在我身旁, 很近的在我身貼著我。我很想面對面的和他談話, 每次放他在我對面, 他就立即重新出現回我身旁, 然後很安祥的躺下, 不安靜的只是我自已。這樣的平排, 我看不到它, 覺得很不安全, 與其說不安全, 倒不如說這樣的平排著, 我發覺看不見他, 不知他在做什麼, 然後怕他有什麼不測異樣, 控制不到他。對的, 是控制的東東在纏繞著我。

這樣子, 打困了很久。就算我放下種種標籤, 還是很想將金金的位置放在前方面對面的。終於今天, 純粹兩股能量的純粹觀察, 不加任何自已的東西在裡面, 才發現原來這樣平排著是很supporting的關系, 就是「一齊走」的感覺。是一種強大的互樣依賴和信任的bonding。之前總想面對面的控制感覺, 出於不夠信任, 原來從來是我不夠信任, 問題在我身上, 金金一早就知道這個最佳位置。

唉...............人類好笨啊!


p.s. 懂得AC的朋友, 也可以call自已的寵物出來, 看看你和他的關系其實是怎樣的。不需說什麼東西, 只是注視當中你和他的互動和情緒。

Cat connection

Friday, September 25, 2009

昨晚,分不清楚是眼訓還是精神, 總之就夜夜不願去睡, 又不願動。反正是這樣, 最好做些需要安靜的練習, 因此試著L的提意, 嘗試跟兩隻貓連系, 然後看看有什麼情緒標籤出來。最初想連結金金,但他不願意。所以先跟Sugar貓連線, 看到有些有趣的東西。

Jess vs Sugar貓:
連線後,第一個情緒原來是「驚」, 是不同種類的驚恐、怕失去、怕消失等等的標籤, 到有一刻, 有一個是懷疑的標籤:「不知道Sugar貓其實是什麼」, 將這個也除下,剩餘只是兩股能量, 發現原來兩者之間, 充滿愛, 那種愛是無時間和無邊界限制的滲透和包圍著。想不到, 最後驚恐的背後, 是很幸褔的在當中了。

Jess vs 金金貓:

放走Sugar, 嘗試和金金連線, 他拒絕。我和金金, 連線後不是面對面的距離。很奇怪, 平時我最容易和他連線的。試了一會,終於連上線。金金的能量很奇怪, 他不停的圍繞著我公轉的跑, 跑得很快, 我分不清楚他是驚慌還是要逃走, 他不容許我接觸。在這情況下, 唯有我先觀察自已在這互動裡,有什麼情緒牽動出來。站在金金公轉的中心點, 我情緒是「無助」、「超強大的無力感」, 除去這兩種標籤, 靜下來後, 就很想行前到金金那裡,想幫助或安慰他, 但我嘗試縮短與他的距離,他跑得更快。我看到很心痛, 重新的「無助」、「超強大的無力感」, 再除下標籤, 純粹觀看能量, 什麼也不做。我看見當我靜下來, 沒有欲念想走近金金, 他的能量亦隨之放慢, 我愈想動,他愈跑, 怕給我捉住。在金金的那裡, 是「不安全」、「怕」、「危險」等等情緒標籤。盡管最後亦嘗試了將這些除下, 我和他, 還是有一個圓形半徑的距離,無論他和我往那種方向看, 也存在這種距離。 雖然我很想走向金金, 但唯有可以做的, 是容許這個距離, 這樣對於我和金金是最適當的,暫時。

看到兩者分別。平日生活, 剛好相反, Sugar是那種不能走得太近的貓, 他要空間和經常覺得我煩。反而金金最痴我, 需要我陪他, 同時他也陪得我最多。想不到原來和金金的互動中, 大家的關係互相密切地影響著, 但卻有厚厚的保護牆隔著。如果我內在同時有一個child 和parent, 金金很像這個child啊!!而我就是這個parent。平時多是我自已跟別人建了保護牆, 反而現在角式倒轉了, 站在牆外, 看到牆內那個傻瓜瓜的不斷使自已受傷, 原來很無助和無能為力的。我都說, 金金是我,我是金金。

明明係草

因為要離開公司, 所以帶回一些原來在公司種的紫羅蘭回家。

第一天, 感受到其中一棵紫羅蘭好驚, 覺得危險。
我跟Sugar說了:「這是花花, 不是草草, 唔食得。」
Sugar覺得很胡疑。

第二天回家, 看見紫羅蘭的葉被咬了許多小孔。我知一定是Sugar所為, 因為金金是不會吃草的。

Jess: 「Sugar!!! 唔好咬d花花, 佢係花花,唔係草黎架, 唔食得架!」
Sugar:「但佢係草草喎!一樣一枝枝咁係黑色果到生出黎！」(佢指黑色果到, 其實是泥)
Jess:「你唔好咬佢啦, 唔食得架! 佢好驚啦, 會痛架佢。」
Sugar: (扮唔明中)「咩呀????明明係草黎...」

之後,我取交剪出來, 剪掉被咬到一個個孔的葉。平時我比「要種的貓草」給Sugar食時,也是用交剪剪掉的。
Sugar:「草草啦!!佢地係草草!」因為佢見到我剪d葉,佢覺得一樣係要剪, 所以同草一樣。
Jess:「唔係呀, 花花黎架!」
Sugar: (好認真、求學中)「明明係草.........點解唔食得?」

佢果樣真係好認真...
覺得我被呃了,明明係草黎架,姐姐!!

我比佢激死。

唔....我不懂得怎樣答。

今天回媽媽家食飯, 他們給我看一張尋貓啟示。然後又問我, 如果釘釘出走了, 可以怎樣捉他回來。講真,我無認真的想過, 如果自已的貓走失了, 可以怎樣尋貓。其實, 慌失失的人和貓, 要怎樣開始去尋呢? 唔....我不懂得怎樣答。

看著那將尋貓啟示, 試一下和相中貓溝通, 很快便出了畫面, 因為他好驚。畫面是在走廊的垃圾羅模樣的地方, 它躲在兩個垃圾羅後面 (我媽住公屋的)。心想: 「還好, 至少還有大廈裡面」, 立即打電話聯略尋貓啟示留下的手提電話, 但停了coverage, 收不到呢! 連voice mail也留不到。
試了差不多一個小時, 結果還是這樣。

一邊食飯, 心一邊不自在的跳, 靈魂不知飛到那裡,我知是那隻貓依然在connect我, 因為他好驚慌。這樣的情況, 差不多持續了半小時。

在我的角色, 我好無奈, 但又可以做到什麼呢? 唔....我不懂得怎樣答。

盡一點綿氣

學了些有關與動物溝通或靈氣的東東後, 很多時間身邊養貓、養狗的朋友, 想透過我做一個媒介, 好讓知道自已的愛犬、愛貓, 究竟在想些什麼。
有時候, 主人只是出於好奇, 無聊, 甚至只是想挑戰一下那準確到有幾多。
當然也有些主人, 真的是出於擔心, 好想知道怎樣可以和愛犬愛貓相處得好一點, 或讓他們活得好一點。

有主人疼錫的貓狗, 是幸福的。
怎樣將這幸福伸展出去給其他小生命? 我不能做到像Tungtung貓、小混混那般去身體力行的幫助小動物, 也沒有空間去做暫托家庭。唯有用我所識的東西, 盡一點綿氣。

每當有朋友, 或朋友介紹的找我去做animal communication, 我也很樂意的, 同意也希望每一個朋友願意除了將愛給自已的寶貝兒, 也分一點愛給無家的貓狗。所以我會要求seeker出一點錢作能量交換, 錢的數目多少, 其實隨心, 反正全數入落cat/dog charity group。

有人可能因為要收費, 不會找我去做animal communication。
有人可能因為要收費, 特意找我去做animal communication, 因為包含的意義更深。
這個世人界就是一樣米養百樣人, 有人喜歡, 自然也有人不喜歡你, 我做的, 是由心而起, 就成了。之前做animal communication收了的錢, 沒有keep record。今次狗友Fiona的特意提醒我收receipt, 這份心意, 我想留下記錄, 就貼在這裡吧。

我替貓貓狗狗, 說聲謝謝你啊!

我反肚仔陪你丫!

星期六, 睡醒賴床中,我在床剛醒來, 隔牆call Sugar

Jess: Sugar,你入黎陪我丫
Sugar: 唔入 (答得勁快!!)
Jess: 入啦,點解唔入姐...我想你入黎陪我嘛。
Sugar: 唔入~
Jess: 入啦~~~~~~~~~~~~
Sugar:不如你出黎啦~
Jess: 我叫你入黎,你就叫我出黎。
Sugar: 出黎啦, 我反肚等你丫~~
Jess: 不如你入黎啦, 我反番肚比你丫~
Sugar:唔入呀, 你出黎啦~
Jess:點解唔入姐,我想見你喎!
Sugar: 我入黎, 金金又入黎, 然後佢又趕我走。
Jess: ………………. (咁又係)
Sugar:你出黎啦, 你出黎陪我啦~~
Jess: 唔出~
Sugar:出黎啦~~~~~~~~~~~ 我反肚仔丫!

點解由初初我叫佢入黎陪我,到最後事情是變到反轉了的??!

不講道理的貓

有時同貓傾計, 會被他們的不講道理, 弄得啼笑皆非。

有一次..
Jess: 你好嗎,亞彩......(我未講完, 佢就插嘴)
彩貓: 你咁耐唔探我!!!!!!!!
Jess: 你想我黎探你咩?
彩貓: 依d野,要我話想,你先識做架咩!!!!!!!!!!!!!!!!!!

好可憐打個貓電話, 都比貓炸形。

又有一次..
Honey: Sugar你做咩係浴缸屙cc?
Sugar: 唔關你事!!!!
Honey: 唔關你事, 都有個原因架?
Sugar: 依d係我同姐姐的事, 唔關你事。我係特登咁樣做, 特登整比佢睇架!!!

又話唔關其他人事,然後bebebaba一輪嘴咁講哂出黎。

再有一次..
同xx講Sugar貓的是非。
Sugar:唔准講!!! 唔准講呀!!!
Jess:唔准講? 哥哥之喎,都唔比知?
Sugar:唔准呀!!!唔得!
Jess: 咁我細聲d講囉~~~
Sugar: 唔比呀!!!哼!!你試下丫....哼!!!你試下丫............!!!!

嗚~~乜而家d貓識恐嚇人架??

好過裝view cam

尋晚 夜番 回家

我和金金對話

Jess: 金金,哥哥今日係屋企食飯定食完先番黎?
金金: 佢呀....係到食囉。不過食完野都唔理我。
Jess: 唔........

隔左一陣
我和xx對話

Jess:你今晚食左乜呀?
xx:買生炒xx飯食囉.
Jess:係樓下買上來食呀?
xx:係呀, 做咩?

哇哈哈哈哈~~~ 識AC, 好過裝view cam呀!!!
所以呢, 奉告各位, 如果身邊另一半識AC的, 千期唔好帶其他3唔識7的「哥哥、姐姐」番屋企。分分鐘有真貓報串, 到時就嘿嘿嘿~~~~水洗都唔清。一係, 千期唔好比另一半去學AC,或者收賣得好好地屋企隻貓。哇哈哈哈哈!!!

懶乖貓

懶乖貓1號- Sugar
地點:電腦前面
人物: Jess, Sugar貓, xx客串
Sugar: 你上網呀~~我陪你丫~~!! (Sugar然後跳上電腦mon前面行來行去)
Sugar: 陪呀陪呀~~你睇唔睇到我呀? (大大隻訓係mon 前面)
Sugar:你同我講「乖呀..乖呀」丫~我鐘意聽!!
Jess: ok ok, 好...乖啦...乖啦…x n
Sugar: 你專心d..望住我講..同我一齊訓先得架!!
Jess: ok ok.. 一齊訓,唔上網 (然後我"pa"左係電腦前面訓覺)

隔左一陣, 懶乖貓1號行開左, 我繼續上網。xx問: 「你又話眼訓,又上網??」
我望住懶乖貓1號, 答: 「佢話陪我訓覺嘛,但佢自已又行開呀~~」

Sugar: 得啦~得啦~~ (跳番上mon前面訓底, 用隻腳壓住隻mouse,用條尾「了」住個keyboard)
Sugar: 我陪你啦!你訓啦!!乖啦...乖啦..xn !!!!!!!!!!!

竟然Sugar「乖啦...乖啦」番我~!呵呵!唔知幾時佢會比番d光光我呢?


***********************
懶乖貓2號- Goldie
地點:洗手間浴缸
人物: Jess, 金金貓

Goldie: 好多水!!!!!!好危險呀!!!! (金金坐係馬筒上面, 好緊張, 不停喵)
Jess: 唔怕啦! 沖涼嘛~
Goldie:好危險架!快d出番黎啦!!好危險架~~死啦!死呀!!你浸死未呀? 快d企身, 番出黎啦!
Jess:你乖啦~~
Goldie: 救命呀!救命呀!!!你浸死架啦!!救命呀!救命呀!救命呀!
Jess: ……………….. (點解我隻貓咁傻架?)

終於沖完, 離開浴缸

Goldie: 好囉...你有無浸親呀?我好驚呀!!!你有無浸親呀?你有無浸親呀? (不停重覆)
Jess: 乖啦乖啦~姐姐無浸死呀!!
Goldie: 你有無浸親呀? (不停重覆)
Jess: …………….

可能真係上上次因為要影郭富金時,嚇襯依隻仔啦~佢而家好抗拒d水浸過佢肚仔,連我沖bath,佢都驚我會浸死。不過,佢只是係「岸上面」叫救命,都唔落水救我的。

催眠貓地

上堂時老師說她曾經催眠她的小狗。我有樣學樣,回家用這個approach試催眠Sugar同亞金。
試了Sugar兩次,金金一次。效果好像Sugar比較受落,而金金....我找天無聊再試試看。
催眠了貓地的效果是: 懶乖, 懶聽話, 純如小棉羊..任我模, 懶enjoy懶sweet咁。
其實老師教的方法很簡單, 單對單的情況下, 用"yes approach"配合它們的呼吸節奏去催眠隻小動物。每當小動物呼氣時,就輕聲..說:『乖啦~』
乖啦....乖...乖啦...乖啦...乖...乖啦...乖啦....諸如此類。

要點注意:要配合動物的呼吸, 人類的呼吸節奏,也要隨著動物的呼吸節奏, 動物比人類急, 做催眠時, 兩至三下呼氣,才說一次『乖啦』。

結果第一次同Sugar哥做完後,佢『懶』聽話左成晚,一叫即應,平時借左聾耳陳隻耳的。

今晚在地下同金金做時, 『乖啦...乖啦...』乖乖下, Sugar鬆起個背,懶嗲咁"i"埋黎,話: 我乖呀~~~我乖呀~~~

車! 人地同你講乖咩!!唔知醜~!!
然後一摸落佢身, 同佢講乖啦..乖啦..就咪咪眼, 好滿足咁樣。

都幾好玩,大家得閒可以搵自已d貓試下。

同Sugar哥談談情

尋晚, 同Sugar哥傾左好耐計呀! 可以算是咁耐以黎, 傾得最長的一次。
內容有d好得意, 如下:

Jess: 做咩又肚屙?肚痛呀?
Sugar:我點知咩原因肚痛喎!
Jess: 食左乜呀你?
Sugar:地下污joe呀??我都無亂食野~~

*****************

Sugar:做咩你成日驚我走? (走即係死)
Jess:你唔知你自已咩事咩?
Sugar:我有咩事呀?
Jess (睇黎佢真係唔知pkd係乜): 無.... 你唔好咁叻啦, 姐姐之前養過的狗狗, 如果佢都乖同叻果d, 好快就會離開姐姐。我唔想你咁快離開我嘛!
Sugar: 喔~~
Jess:咁你留係我身邊耐d得唔得? 我唔捨得你呀。
Sugar:喂!依d野唔係我控制架喎!!
Jess: 咁.....如果你要走時, 覺得辛苦時, 就安心走啦, 知唔知呀?
Sugar:咁你就唔會喊(傷心)同唔會唔埋捨得架啦?
Jess:咁又唔係....到時先諗啦,我地~
Sugar:車~~咁你講黎做乜姐~!
Jess: (............) 咁又係

*****************

Sugar:我想食魚, 不過今晚你比金金果d, 太硬好乾。我要一個貓, 食有汁果條魚。
Jess:你一個貓食唔食得哂架?一陣食兩野又唔食呀。
Sugar:咁又係..我食兩野架炸。
Jess:咪係囉!! 仲要又肚仔屙番呀, 哥哥唔比我餵魚比你啦!!
Sugar:車~~你驚佢鬧架咩!!
Jess: (.............) 咁又唔係, 不過費時佢唔開心啦。
Sugar:咁好啦~遲d先食魚, 咁食掉餅仔丫。
Jess: 好番先呀~~
Sugar:又要好番先~~我都無野呀!!!

*****************

Jess:做咩唔鐘意亞彩呀??
Sugar:佢呀!!!無禮貌呀!!! (好大聲講、投訴ing)
Jess:點無禮貌呀?
Sugar:佢甩d毛黎我依到!!! 又用我把梳~!!!!!!
Jess: (我忍唔住笑) 咁你就次次見到佢都里埋?
Sugar:唔係驚佢,係我唔比佢見到我呀!!! 費時比佢睇洩呀!
Jess: (笑) 佢想同你做朋友仔喎!
Sugar:佢行唔到埋黎,我會fee走佢))))))))))))))))))
Jess:咁金金鐘意佢嘛!
Sugar:唏!金金sor架麻!!!!
Jess: (笑到我丫~~~金金sor架~~~)

亞彩~~~佢原來話你無禮貌,唔係話你短頭髮呀!!!

White Cat Tarot

之前上堂時, 同時見到一副 WhiteCat Tarot, 當時覺得同副牌好易connect, 買左之後,發覺同RW Tarot有d唔同, 所以無用佢同自已做reading。

http://willa.vox.com/library/book/6a00c22523641f8fdb00c225267faf604a.html

尋日上網見到有個blog, 佢除左用AC同動物溝通, 仲會用副Tarot of Animal Lord去做connection。佢的觀點是, 有時跟動物AC時,會講大話或者不合作唔傾計, 但Tarot就無得講大話, 會知道當時佢的狀態。

尋晚,我試用White Cat tarot牌去同兩隻貓+ 亞彩做reading
好攪笑..都幾準

金金:
現狀--The High Priestess : hide himself, 唔好蘇擾
想 --Seven of Pentacles: 食好多好味野, 一個貓食哂
建意 -- Six of Cups: 想見亞彩

Sugar:
現狀-- Seven of Swords: 搶其他貓d野, 因為爭野,打鬧
想 -- Knight of Cups: 要同主人玩跑得好快(追餅仔)
建意 -- Page of Cups: 讚佢好靚,好pay attention佢

彩:

現狀-- Nine of Swords: 驚
想 -- Knight of Cups: 出街,跟住媽咪出街
建意 --The World: 佢要做leader, 要有細貓好admire佢,當佢偶像咁admire

比貓蝦

比貓蝦 I

Jess: Sue Sue,你做緊乜呀, 想要d咩呀?
Sugar:食魚柳丫
Jess: 你係食先好, 成日開在你又唔食。
Sugar: 要食濕濕果d, 有汁果d。
Jess: 條魚有無汁我控制唔到喎~不如梳毛啦!
Sugar: 梳毛都好~
Jess:梳完毛,可唔可以面貼面錫下?
Sugar:唔好...你好臭, 整污joe我。(嗚~~~~~~~我邊到污joe姐, 話我有臭味)
Jess: 咁抱下得唔得,唔掂面。
Sugar: 咁好啦, 一陣炸~
Jess:亞金今日係屋企做過咩?
Sugar:你同佢玩下啦~佢悶到嘔啦就~~ (Oh! 叫我同亞金玩喎竟然~)

梳完毛, 有貓逃走。
Jess: 車~又話比我抱一下~~我唔制!!
Sugar: 咁………….咁………….一下好啦...唔要痴你d味落黎我到。

哼~!!! 衰仔,講過d野唔算數



比貓蝦 II

Jess:你做咩成日打我亞金?我好錫佢架, 佢都係我個仔黎架嘛!!
肥公主: 哼! 咁你錫邊個多d, Sugar定佢丫?
Jess:我最錫亞金~ (所以你唔好打佢啦~)
肥公主: 哦!!!!!!!!!!!!我講比Sugar聽!!!!!!!!!!!!!!!!!!!!!!!!!!!
Jess: (滴汗中) 我最鐘意Sugar~
肥公主: 你都唔係最錫佢啦, 咁我可以打佢啦! (肥公主叫亞金做「佢」)
Jess: ………………

肥公主,你再蝦我,我唔彩你！日日約你亞媽出街,唔比佢番屋企,悶屎你一個貓係屋企!!
哇哈哈哈哈~~~~

金金黎保護我???

原來金金金係黎保護我架喎~~~
之前佢都肥duo duo, 所以而家肥d係正常的~~ 你地唔好再笑佢肥啦! 要大隻d先做到待衛保護我架嘛!
不過, well....點睇依隻豬都唔覺得佢可以點保護到我囉~~ 成日掛住訓覺。但依隻金金又真係幾管家我的, 遲d番又"um"我, 遲d訓又"um"我...
It is my honor to meet him anyway,

但睇唔到Sugar之前同我的關係是什麼。
唔..........唔通無關係??!