MOMO

今年7月，去左倫敦和巴黎，點解再去巴黎? 其實我有自私的念頭，因為我想見momo。

仲記得妹未養佢之前，我已經發夢時見過momo, 果時佢係breeder貓房，仲問我:「你幾時黎睇我呀?」我答佢:「黎你到好麻煩喎，我諗下先啦...」

終於見到妹的momo真身啦！momo真係好乖，比我想像中得人鍾意，希望佢身體健康，快d長肉，變大隻仔啦!

飲花酒

心情唔好可以有得飲花酒，比貓圍的感覺真好~

一齊練氣功

金金同我一齊練氣功，其實佢係到阻住哂...我一揚手，拍到佢個身。

金金近來常常訓覺，只有開餐時再郁動一下。有時看見他沒有活力的樣子，雖然我知老貓就是這樣，但心裡總不太接受，希望他會活力充沛。

今年有好多貓朋友和狗朋友過左身，繼Nicole的亞比，昨天1/4愚人節，收到Nicole的消息，Popeye走了。 貓朋友，除了邦邦，還有Binoo也是這個月走了，Binoo走是由於FIP。第一次身邊有朋友的貓中了FIP，好像一個遙遠陌生的病，突然活生生的在身邊擦過，生命好兒戲。

想到這裡，便覺得煩惱公司上的人事物，好無聊。做野就專心做野好了，其他的什麼人事圈子和搬移，無所謂了。

劉老師說，金金最叻，識自已行埋黎吸氣。其實最叻係妹妹，我做咁耐氣功，佢係我背後的檯上，訓足咁耐。

 




 

再見，Harry Potter

十一月，忙。
月尾的時候，看見貓友告急的面書，說Harry Potter病了。知道後，當日回家做了reiki的功課，傳給我喜愛的達達波。他是一隻波斯貓，樣子有點像Sugar, 性格卻很不同，這個小朋友，雖然也有點公子頗氣，但卻不會覺得自已是王子，由小到大，和其他貓也相處得很好，是一個很乖的小朋友。自從他離開了朋友鋪後，我也少了探這位朋友了。始終再上去，看不見達達波，有點失落吧。

再接到有關達達波的消息時，原來已經說再見的時候了。
一路好走，要乖啦。

尋貓記

心情延續的灰灰的, 說不出那裡的由來, 每次看到日本的報道, 明明知道這是正常的, 心裡還是難過。

不聽Sugar的話, 在網上見到友人暫托一隻小唐貓, 昨天去看看牠是否互相喜歡。牠好可愛，也好親人, 但我看見牠後, 總覺得欠了一種共震的感覺。我問小貓叫什麼名字, 牠答我:「你想叫我做咩咪咩囉。」那刻, 我想不出叫他什麼名字好。

回家, call了最親的天使來幫助我清淨心輪, 因為Sugar說我心輪包住了, 他跟我說話, 我聽不到。那大天使派了個messenger來告訴我: " No need to listen outside other people say. Listen your inner voice..." 嗯。
談到領養那小貓的事, 突然Sugar跳出來,
Sugar:「No...Do not take this one. 」
Jess:「不能嗎?」
Sugar: 「為什麼要選貓?」
Jess:「你不想你走了一陣後, 我就入新貓? 」
Sugar: 「你要留係到, 過左去。隻新貓黎, 你就唔留係到, 避開架啦...你做咩要入新貓? 亞金都無寂寞, 亞金痴住你, 係我叫佢要陪實你。因為佢要睇住你, 先至陪實。佢唔需要其他野住。隻新貓黎到, 佢會唔開心, 因為你分散注意力掛住隻新貓, 唔再專注咁同佢一齊。做咩見隻新貓時, 你同果個人不停講我d野? 做咩見到佢時, 你無名比佢?」

依隻死仔黎架真係!一野講中我。記得果時由鋪頭接Sugar回家時, 在途中已經叫佢做Sugar, 一早已經諗好。金金那時仲誇張, 看見相, 未見真貓, 已經叫定佢做金金, 同visualize到叫金金時, 佢跑過黎的樣子。但看著這小領養貓, 我真的沒有這種共震。想養多一隻, 的確是想分散自已專意力。

我跟那小貓連線, 義工姐姐暫取他名字叫安仔, 問牠一些東西。
Jess: 你想唔想跟我番屋企一齊住?
安仔: 你有野比我食就架得啦, 我乜都無所謂))))))
Jess: 我屋企有金金, 你要同佢相處好喎。(比金金個樣佢睇)
安仔: 下!!!佢咁樣的, 我同佢唔同類架喎, 佢咁樣架?! (安仔覺得金金長毛, 非我一類) 我就唔會同佢一齊架啦, 佢同我都唔同。佢有佢, 我有我囉。我唔會去打去啦, 總之...得啦得啦...我總之唔會搞佢, 一人一邊啦, 得啦。
Jess:但佢同我訓架喎, 佢訓我中間, 你唔趕得佢走...
安仔: 咁我咪訓你另一邊囉, 唔掂佢囉。佢有佢訓, 我有我訓。我痴住你, 都唔關佢事。

嗯...d貓真係..@.@
你話佢唔講道理咩? 佢又好有道理咁。

這小貓真的好可愛又精靈, 只是我跟牠緣份不足。但願牠早日找到新主人, 安安樂樂, 健健康康。

再見, Drago

記得你打咕咕的聲音,
記得你乖仔, 一叫便來,
記得你那銀白色的被毛, 還說等著你和Resmine的小貓出世,
記得你坐在貓友的大腿上的樣子, 雖然咕咕開心的, 但眼睛卻注視著主人一舉一動,

早知, 那天打邊爐時, 堅持多點, 要求入貓房見你。
再見了, Drago。
一路好走。

愛的眼淚

昨天,到一貓友家玩玩, 這貓友兩天前剛在家外的公眾花園地方, 拾了兩隻還未脫臍帶的貓B, 相信出世不超過一星期。7點左右剛到達貓友家, 那時兩隻貓B還在哇哇的叫。
食完外賣上來的小菜晚飯,口痕痕的我說要餵貓B, 誰知道卻發現其中一隻已經淹淹一息, 軟著身軀, 看見它的生命氣息一點一點的溜走, 心裡不是味兒。代貓媽媽立即上前餵奶, 貓B已經不再懂得吃了, 站在後面的, 看見代貓媽媽的眼淚滴在貓B身上......

大約11時許, 再入去看貓B, 已經走了。代媽媽和貓B相處了兩天, 已經這麼傷心。真正喜愛貓的人, 看見無論是街貓還是家貓, 名種還是老唐, 心裡還是一樣由衷的愛著的。這種愛沒有界限, 沒有種族, 沒有條件反射, 這就是我們常說的unconditional love。

一切看在眼裡, 盡量使自已不要跟著太難過。因為對貓B而言, 命裡有時, 真的媽媽不要我, 本來在下雨那晚, 我已經離開這世界了。上天卻讓我走之前, 給我一個代媽媽, 給我嘗到不多不少剛好的溫暖和愛。如果真的計算, 已經賺了呢。

代貓媽媽, 也上了一課生離死別。看到自已的愛, 也看到自已的限制和無奈, 這樣更能用聰明一點的方式和原生的兩隻貓貓相處。這不是也賺了嗎?

愛, 從來不是只看眼淚的表面。

PuteriAyu, mean sweet princess

那天,遇見了她...
好想帶她回家, 但是金金說 「Not allow」!!
嗚~~Adik, when will you come to my home????

好多隻金金

今天去了貓友家, 他其中一隻貓叫King Kong, 樣子長得有點像金金。今天真正探訪, 嘩!!不得了, 原來佢屋企有好多隻金金~~

有貓的家,真好!!!

婆婆家貓

婆婆家裡的妹妹, 做了貓媽媽了。
遲遲也沒有入去看看小貓和這個新任貓媽媽, 在婆婆家裡養, 不能要求太多, 但那裡的貓地, 總是比我們家裡養的小病小痛。或許是自愈能力比我們嬌生慣養的高吧!

希望妹妹和小貓bb也身體健康, 討得婆婆歡心, 那麼就長食長有好日子過了。

兜兜, 再見了

兜兜,
由細看著他長大, 有段時間, 兜兜是長得很像金金貓, 只是長毛和短毛版分別。相同之類,除了顏色外表,更重要的是兩隻都是帶著一點憂鬱又傻更更的眼神。我和兜兜主人還笑說要讓他兩相認,做個黃紙兄弟。

兜兜, 是一隻很善良的貓。 每次去探訪他, 他也是怕怕羞羞的, 被我們這些「壞人」整古了, 依舊不帶一點攻擊性, 更叫人憐愛。

兜兜在一家排第四, 上有三個貓哥哥姐姐,下有兩個曳妹妹。兜兜走了, 其他貓地有點不習慣, 一向做中間的和事貓離開了。 主人更捨不得, 從來沒想到, 死別, 就只是一殺那。還未能好好作出反應, 就連一句「再見」也趕不給送上。

一路好走, 要乖啊!

柔叮金

然後, 去了柔柔媽家探柔叮金。長金呢,比上次探佢時, 乖左好多喎! 真係抵錫。而且愈來愈靚仔, 同之前流浪時果個甩皮甩骨樣比, 絕對有理由相信長金是被換包的。哇哈哈哈~



可能今次只得我上去, 柔柔終於唔扮訓覺啦!



叮叮好鐘意果紙貓爪版, 係到又訓又爪又high high貢。



另外都同兩隻暫托貓貓見面, 小朋友好驚相機呢~

這是啤梨仔, 貓仔細細, 似粒跳豆彈彈跳。




這就是柔柔媽之前在街上捉的安安啦,係咪好靚女下呢~

Prince Ah Meow

今日探亞貓.. 當然有帶手信啦! 亞貓原本好鐘意我架.....



不過自ec手裡交比我抱後, 就嬲爆我啦. 然後又比ec捉住講「道理」後, 就更嬲爆啦.... 佢嬲ec係外人(即係我) 前面話佢呀~
然後耳仔又癢到死, 忟死佢呀今日。





黑妹呢, 真係聞名不如見貓, 果然黑monk monk, 煤炭屎鬼黎架! 依粒煤炭屎鬼, 好有活力, 玩波波時又跑又跳又撞牆。不過呢, 我都係錫亞貓多d。

Sashimi

佢得唔得意呢? 是我Sekhem老師的貓,叫Sashimi! 佢好可愛架! 上課時不停"了"我地玩, 我上次帶了兩隻毛毛鼠比佢, 佢玩到飛起跳呢! (我幾驚佢打爛老師果坐地大花樽 @.@ )

依隻貓豬呢, 醒目到爆! 成日借d耳叫我地搵佢做energy healing的練習, 當我和另一個同學做完full body 的healing後, 佢即刻出現係我地面前, 還跳上床說:「到我啦~~」, 然後中槍訓低等我地。

可能平日就算有人類小朋友來探訪, d小朋友唔識同佢玩, 所以佢好寂寞呢! 我地臨走, Sashimi雖然無扭計, 但佢好唔捨得我地咁快走...

長洲影貓

長洲影貓那天, 巧遇天后補誕之類, 那天看到有3隻舞獅, 又有人出喪, 又有紙公仔, 好不熱鬧。

幸好我們第一站先去山上影貓, 那時還未太多遊人上山，那裡的貓還有曬太陽,優閒之極。
那天的貓很有善. 收獲不少。

後來又見到Nicole, 所以又可以探埋popeye和kk跟亞比。Bamboo要做狗model幫手做長洲乜乜動物協會donate錢錢, 辛苦了Bamboo啦~~

然後, 還在長洲遇到舅父一家。那天, 長洲一定多人過旺角。


p.s.這隻貓, 那天在長洲影的, 牙齒斷了一半呢!

唔知第幾次屆貓展

年年幾次貓展, 已經不再像以前的那樣瘋狂。今次以為見到Whata貓, 點知佢係泰國已經贏夠, 唔黎香港了。我想..........可能已經無機會見佢了, 大家相隔馬拉同香港嘛, 我又未癲到會因為見一隻貓,飛去馬拉呀。金牛黎架嘛, 好現實的嘛 ~ (不停麻醉自已)

今次貓展, 留在貓展區得一小時, 有好多貓友也打不到招呼, 就要走了。 我唔記得找虎太郎呀 >.<~~~~ 不過好好運的見到古古力大師, 古力好倦,不過佢應該好開心, 斷估佢黎緊3個月都唔會再扭要出街玩了吧!

Bullet同Richman是兩隻美短, 巧靚仔! Wendy的Beethoven, 我都好鐘意, 佢係型版金金, 無左金金果d 唔知諗緊乜的眼神, 無左隻彈起的耳仔~哈哈~~
乜相都無影, 只影左Bonnie (大生)的貓, 好肥貓呢佢!

和妹妹及另一個貓友,繼續去到買野區。變態架! 有間鋪, 竟然搵人放條蛇係隻手到display,嚇得我丫! 買了一點貓草玩具, 一點RC的貓糧, 就離開了。

好好彩, 去同走, 都有得痴車坐, 唔洗迫。 ^.^

與貓偶遇

上星期六, 做了一件好傻但一d都唔天真的事, 由旺角找到中環, 去買一件可有可無, 毫不著急的東西。途中, 我看到一些有趣反應和情緒, 有點得著, 雖然是傻, 但總算傻得有點value。

在途中, 看見了差不多5隻貓, 有些可以觸摸, 有些只可以遠觀。有些看似cool cool的, 原來和他打過招呼後, 他好熱情的呢! 貓, 真的好可愛。

雖然那天走遠了一點, 但上天又給我撞到幾位貓朋友仔, 開心和不開心, 總算打過和啦!

相中的貓哥, 好熱情呢, 摸了幾下就訓地, 我拿起相機想跟他拍張照, 他就跳上磚頭上繼續反肚和訓地, 十分擦鞋。 ^.^

黑頭大王五歲了

今日去探黑頭大王, 不經不覺,原來黑頭快5歲了。黑頭風彩依然, 身邊老鼠大臣愈來愈多, 真係日理萬基。

用了部新的傻瓜機Lumix LX3 (xx送的pre生日禮物), 影了些老鼠仔的video, 老鼠細個已經很活潑, 爬來爬去。相比之下, 波斯豬真係蠢豬好多。

李家小釘

昨天金金契媽問及李小釘近況。好像很久沒有寫李小釘的事了。
一粒小豆釘, 變成大粒釘啦!
還是一樣怕陌生人, 包括我xx, 但偏偏每次我來, 他總是乖乖出來接我門, 然後痴纏一番。
一家上下, 其實也很疼這隻小釘, 媽媽就最寵他, 他卻常咬到媽流血損手損腳。

每次沒有其他人在附近時,我就和小釘傾密計, 我有任務給他做的架! 就是要幫我好好睇住媽咪! 要錫媽咪呀! 他說知道的, 雖然他頑皮。

這是農曆新年時影的相。

D for Diamonds

等了兩年, 才出品的D for Diamonds,
終於也有其他顏色的貓了。
好久沒有和小貓B影相和玩, 好開心呢!
快活不知時日過, 玩到過哂鐘, 之後趕餐死先入到老鼠貓皇國。
那天,真忙, 影了兩組貓B, xx又去影佢舅父的新車。幸好忙得黎不太辛苦, 始終影室內貓比戶外貓, 舒服好多。
遲些去長洲和大澳再影過貓, 希望天氣好, 貓不躲。