唔知做咩...依排Sugar都係咁...6點到就morning call
.. (我7:30先要醒架嘛 ) 6點佢喵黎喵去...又拍拍我..又拍拍門...又lam我.. 又話肚餓又依樣果樣
可能依排我轉左RC個隻新糧,佢超鐘意食,所以佢成日話唔飽,問要餅餅 。
見前果幾日long weekend.. 我就下佢啦..佢一話餓呀..我就起身比餅佢地兩個
。 點知就養成佢之後就日日6點就黎morning call
.. 今朝我頂唔順啦 ...同佢講:『我想訓多一陣 乖仔啦...鬧鐘響啦...鬧鐘響我即刻起身..』
丫......隻死衰仔丫...真係識聽....乖乖咁訓係我腳邊望住房門,無再喵啦
.... 但鬧鐘一響....就即刻行埋黎叫醒我
........... 真係訓多半分鐘都唔比
.... 算啦...做人要有口齒.....我最後起身餵貓餅
... 發現有隻小氣精
我同金金玩毛毛棒...Sugar就會用個pat對住我
... 我困金金入房,隻衰仔Sugar就即刻生哂
...同我玩到跳來跳去又反肚。 但金金好慘呢...比人困住係房。金金出返黎,唔開心樣啊...毛毛棒都唔玩了
。 『唉呀,金金......唔好唔開心
...同你玩貓草飛飛袋好唔好~~』 『嘩 ~~~~好啦
~!平時次次都係大俠哥玩先!今次我玩先啊!!!!! 上天對我真係好啦~~草呀~~哇哈哇哈 ~』 好啦..到金金玩完...玩到無反應啦...
行去比Sugar玩...
丫!!!!!依隻死衰仔丫
!!!! 放到埋鼻哥都唔彩我!!!! 正小氣鬼 ~~~! 好彩~~honeymeow貓奴姐姐整左個「大俠貓草包」比佢..
我拎出黎比大少啦....隻小氣鬼知道依個「大俠貓草包」係只屬於佢...
佢就玩啦...玩到反下反下
...晚晚都接機、送機
Sugar小氣還小氣,有時都幾錫金仔
。 晚晚房開冷氣, 我關房門, Sugar食包餅就會黎「問安」:爪呀爪下~~我要入黎呀~~熱死我啦~~~
最後我都係投降,開門比佢地
。 一開門, Sugar就周圍搵: 『金呀~~~入黎啦~滋麻開左門啦
~快d啦 』 金金就因為怕凍...成日唔彩Sugar哥
。 Sugar就次次都好似送機咁...
係個閘口死都唔入去, 望呀望呀,有無人送機呀
~ 我就黎比佢地兩個玩死
。 有時Sugar頂唔順,入左黎先。佢就會係房到爪門,叫我開門。
點解
? 原來金金係出面門口訓緊 ... 唉~你地兩隻野真係好煩, 究竟送完機未
??? 點解班機次次都delay, 快d上機啦
~~ 一齊訓啦,訓醒再接過機啦~~乖啦
No comments:
Post a Comment